بڕیارە ئەمڕۆ ئەنجوومەنی وەزیرانی كوردستان بە سەرۆكایەتیی مەسروور بارزانی، كۆبوونەوەی خۆی ئەنجام بدات، لە كۆبوونەوەكەدا سێ بڕگە گفتوگۆیان لەبارەوە دەكرێت.
ئەمڕۆ چوارشەم چواری حوزەیران، ئەنجوومەنی وەزیرانی هەرێم كۆ دەبێتەوە و یەكێك لە تەوەرەكانی كۆبوونەوەكەش پرسی مووچەی فەرمانبەرانە.
بەپێی كارنامەی دانیشتنەكەی ئەمڕۆی ئەنجوومەنی وەزیرانی هەرێم، لە تەوەری یەكەمدا لەبارەی پرسی مووچەی فەرمانبەرانی هەرێم گفتوگۆ دەكرێت، سەرۆكی ديوانی ئەنجوومەنی وەزیران و سكرتێری ئەنجوومەنی وەزیران ئەو بابەتە دەخرێتە گفتوگۆ.
لە تەوەری دووەمیشدا، نووسراوێكی وەزارەتی شەهیدان و كاروباری ئەنفالكراوان تایبەت لە لێخۆشبوون لە پێشینەی هاوسەرگیریی بۆ كوڕ و كچی شەهید، تاوتوێ دەكرێت.
تەوەری سێیەم و كۆتایی دانیشتنە ئاساییەكەی ئەمڕۆی ئەنجوومەنی وەزیرانی هەرێم، تایبەتە بە خستنەڕووی نووسراوێكی وەزارەتی دارایی و ئابووری تایبەت بە گرێبەستی كارمەندان لەسەر بودجەی پەرەپێدان و داهات و پێشینەی بەردەوام و كرێی رۆژانە.
وەڵام بدەوه