ئایە دەمیرتاش ئازاد دەکرێت ؟ زانیاری نوێ گەیشت

سەرەڕای ئەوەی دادگای مافەكانی مرۆڤی ئەوروپا سێ جار بڕیاری لە بەرژەوەندییان داوە، بەڵام دادگای 22-ی سزا قورسەكانی ئەنكەرە ئەو داواكارییەی رەتكردەوە كە بۆ ئازادكردنی حوكمدراوانی دۆسییەی پیلانگێڕیی كۆبانێ، لەنێویاندا سەڵاحەدین دەمیرتاش و فیگەن یوكسەكداغ، هاوسەرۆكانی پێشووتری پارتی دیموكراسیی گەلان (هەدەپە) پێشكەشكرابوو، دادگاكە یەكلایی نەبوونەوەی تەواوەتی دوایین بڕیاری دادگای مافەكانی مرۆڤی ئەوروپای، بە هۆكاری رەتكردنەوەی داواكارییەكە و ئازادنەكردنی بەندكراوانی دۆسییەی پیلانگێڕیی كۆبانێ داناوە.

دەمیرتاش كە لە میانەی دۆسییەی پیلانگێڕیی كۆبانێدا بە 42 ساڵ زیندانی سزادراوە، نۆ ساڵ لەمەوبەر و لە چواری تشرینی دووەمی 2016دا لە ماڵەكەی خۆی لە ئامەد دەستگیركرا و دواتر فەرمانی بەندكردنی بۆ دەركرا.

ئەگەرچی دادگای مافەكانی مرۆڤی ئەوروپا دوو جار و دادگای دەستووری توركیاش جارێك بڕیاری لە بەرژەوەندیی دەمیرتاش بەمەبەستی ئازادكردنی داوە، بەڵام هێشتا ئازادنەكراوە.