بە بڕیاری سەرۆكی حكوومەتی هەرێمی كوردستان، كەمترین رێژەی كرێی رۆژانە و مانگانەی كرێكاران لە هەرێمی كوردستان دیاری كرا.
وەزارەتی كار و كاروباری كۆمەڵایەتی ئەمڕۆ سێشەممە بڵاوی كردەوە "لەسەر ڕاسپاردەی مەسرور بارزانی سەرۆکی ئەنجوومەنی وەزیران، رەزامەندی درا لەسەر دیاریکردنی کەمترین کرێی مانگانە و رۆژانەی كرێكار لە هەرێمی كوردستان".
بڵاویشی كردەوە "كەمترین كرێی مانگانەی کرێکاری ناکارامە بڕی 450 هەزار دینار دەبێت".
هەروەها بڵاوی كردەوە "سەبارەت بەو کرێکارانەی کە بە کرێی کاری ڕۆژانە کار دەکەن، نابێت بە بڕی 15 هەزار دینار کەمتر بێت".
وەزارەتی كار و كاروباری كۆمەڵایەتی ئاماژەی بەوەش دا كە "ئەم بڕیارەی سەرۆكی حكوومەت دەسکەوتێکی گرینگ دەبێت بۆ سەرجەم کرێکاران لە هەرێمی كوردستان".
وێنە: نووسراوی ئەنجوومەنی وەزیران بۆ دیاریكردنی كرێی كرێكاران لە هەرێمی كوردستان:-
وەڵام بدەوه