کەسوکاری پلەیەکی شەهیدان لەبارەی تۆماركردنیان بۆ پڕۆسەی حەج ئاگادار دەكرێنەوە، سەردانی فەرمانگەی كاروباری شەهیدان بكەن. جەختیش كراوەتەوە، ئەگەر پشگیری شەهیدانی نەبێت، ناتوانێت بچێتە کێبڕکێی ئەو پشکەی دابینکراوە بۆ کەسوکاری شەهیدان.
لە راگەیاندراوێكدا بەرێوەبەرایەتیی گشتیی شەهیدانی هەڵەبجە، بڵاوی كردەوە: "ئاگاداری کەسوکاری پلەیەکی شەهیدان (خوشک و برا، دایک و باوک ، کوڕ و کچ)ی شەهیدانی سەنگەر و جینۆساید دەکەین ئەوانەی دەیانەوێت فەریزەی حەج بۆ ئەم ساڵ ئەنجام بدەن، ئەوانەی پێویستیان بە پشگیری شەهیدانە، دەتوانن لە رۆژی یەکشەممەوە سەردانی بەڕێوەبەرایەتی گشتیمان بکەن بۆ ئەوەی نووسراوی پشگیریان بۆ بکرێت."
ئاماژەی بەوەش داوە: "ئەم ساڵ حکوومەتی هەرێمی كوردستان دیاریکردنی ناوی ئەو کەسانەی دەیانەوێت فەریزەی حەج ئەنجام بدەن بە ئەلیکترۆنی کردوە و وەزارەتی ئەوقاف بە سیستەمی نوێ ناوەکان دیاری دەکات" .
ئەوەش خراوەتە ڕوو، بەڕێوەبەرایەتیی گشتیی شەهیدانی هەڵەبجەش وەکوو ساڵانی پێشوو پشکی کەسوکاری شەهیدانی بۆ دیاریکراوە، بەڵام ئەم پشکەش بەهەمان شێوە بەشێوەی ئەلیکترۆنی خودی وەزارەتی ئەوقاف هەڵیان دەبژێرێت و دیاریان دەکات.
ئەوەش هاتووە: "ئەوەی لەسەر وەزارەتی شەهیدان و بەڕێوەبەرایەتیی گشتیمانە تەنیا ئاراستەکردنی نووسراوی پشگیریە بۆ ئەو کەسانەی کەسوکاری شەهیدن و دەیانەوێت بۆ ئەم ساڵ فەریزەی حەج ئەنجام بدەن."
باسی ئەوەش كراوەتەوە، هەر کەسوکارێکی شەهید دەیەوێت لە تیروپشکی تایبەت بە کەسوکاری شەهیدان سودمەندبێت، دەبێت سەردانیان بکات تاوەکوو نووسراوی پشتگیری بۆ بکرێت بۆ وەزارەتی ئەوقاف و کاروباری ئاینی: "بە پێچەوانەوە ئەگەر پشگیری شەهیدانی نەبێت ناتوانێت بچێتە کێبڕکێی ئەو پشکەی دابینکراوە بۆ کەسوکاری سەربەرزی شەهیدان، وەک هاووڵاتیەکی ئاسایی دەچێتە کێبڕکێکەوە."
داواشی لە كەسوكاری شەهیدان كردووە، لە رۆژی یەکشەممەوە سەردانیان بکەن تاوەکو نووسراوی پشگیریان بۆ بکرێت.
وەڵام بدەوه