پێشبینی دەكرێت سبەی دووشەممە پلەكانی گەرما دابەزینی زیاتر بەخۆیانەوە ببینن و لە هەندێك ناوچەی هەرێمی كوردستانیش باران ببارێت.
هەڤاڵ سدیق گەڵۆزی شارەزای كەشناسی رایدەگەیەنێت: سبەی دووشەممە پلەکانی گەرما بەراورد لەگەڵ ئەمڕۆ یەكشەممە 1 بۆ 2 پلەی سیلیزی دابەزین بەخۆیەوە ببینێت، بەو هۆیەشەوە كەشوهەوا لە ڕۆژدا لە ناوچە شاخاوییەکان زۆر فێنکتر دەبێت و لە شەوانیشدا کەشێکی سارد دروست دەبێت.
هەروەها رایدەگەیەنێت: لە هەندێك ناوچەی ئیدارەی سۆران پلەکانی گەرما لە شەواندا بۆ 5 پلەی سیلیزی دادەبەزێت، لە بەشێک ناوچه شاخاوی و کوێستانەكان بەهۆی هەڵگەڕانەوەی هەور لە کاتەکانی پێش نیوەڕۆ بۆ دوای نیوەڕۆ، ئەگەری تاوەبارانی ماوە کورت هەیە بەتایبەت لە حاجی ئۆمەران و ناوچە کوێستانیەکانی دەوروبەری باڵەکایەتی.
شارەزاكەی كەشناسی ئاماژەی بەوەش دا: پێشبینی دەكرێت ڕەشەبای بەهێز ناوچە شاخاوییەکانی سنووری ئیدارەی سۆران و ڕاپەڕین بگرێتەوە و خێرایی با لە هەندێك کات 50-60 کیلۆمەتر لە كاتژمێرێكدا تێپەڕ بکات، بەڵام لە ناوچە شاخاوییەکانی تری هەولێر و سلێمانی و هەڵەبجە و دهۆک و سلێمانی 35-45 کیلۆمەتر دەبێت لە کاتژمێرێکدا، لە ناوچە دەشتاییەکانیش خێرایی با مامناوەند دەبێت.
وەڵام بدەوه