نەوتی کوردستان پلە هەکە خواستی زۆری لەسەرە. كۆمپانیای بەبازاڕكردنی نەوتی عێراق رای گەیاند، نەوتی هەرێمی كوردستان پلە یەكە و لە دنیادا خواستێكی زۆری لەسەرە و نرخێكی باش دەكات.
عەلی نزار شەتری بەڕێوەبەری گشتیی كۆمپانیا "سۆمۆ" رای گەیاند، ئێستە نەوتی هەرێمی كوردستان لە رێگەی بەندەری جەیهانی توركیاوە دەگاتە بازاڕەكانی ئەوروپا و ئەمەریكا.
ئاماژەی بەوەش كرد، لەمەودوا پێوەندییەكانیان لەگەڵ وەزارەتی سامانە سروشتییەكان و كۆمپانیاكانی نەوتی هەرێم باش دەكەن، هەقی خۆیان لە رێگەی هەرێمەوە پێ دەدرێت و دڵنیاییەك بۆ هەموو لایەك دروست دەكەین.
رۆژی شەممە27ـی ئەیلوول، وەزارەتی سامانە سروشتییەكاندا رای گەیاند، سەعات حەوتی بەیانیی هەناردەكردنەوەی نەوتی هەرێمی كوردستان لە ڕێگەی بۆڕیی نەوتی كەركووك - جیهان بە سەركەوتووانە دەستی پێ كردەوە.
دوای زیاتر لە دوو ساڵ و نیو لە ڕاگرتنی، واژووكردنی رێككەوتنی سێقۆڵی، هەناردەكردنەوەی نەوتی خاوی هەرێمی كوردستان لە كێڵگەی نەوتی پێشخاپوورەوە بۆ بەندەری جەیهانی توركیا دەستی پێ كردەوە، ڕۆژانە 190 هەزار بەرمیل نەوتی خاوی كوردستان لەو بەندەرە بە بازاڕ دەكرێت.
وەڵام بدەوه