بەهۆی نزیکبوونەوەی شەپۆلی دەریای ڕەش و کاریگەریی شەپۆلی دەریای سپیی ناوەڕاست، ئەگەری هەیە سبەی بارانبارین بگاتە باکووری سووریا و لەوێشەوە ئەگەرێکی لاوازی هەیە بگاتە هەرێمی کوردستان.
شارەزایەکی بواری کەشناسی ڕایگەیاند، ئێستا کاریگەری شەپۆلی دەریای ڕەش بەرەو ناوچەکانی باشوور نزیک بووەتەوە، لەهەمان کاتدا کاریگەریی شەپۆلی دەریای سپیی ناوەڕاست لە بەیانییەوە کاریگەرییەکەی بەهێزتر دەبێت بۆ سەر وڵاتانی سەر کەنار دەریا، ئەگەری هەیە بگاتە باکووری سووریاش، لەوێشەوە ئەگەرێکی لاوازی هەیە بگاتە هەرێمی کوردستان.
ئەو شارەزایە باس لەوەش دەکات، ئەمڕۆ لەدوای نیوەڕۆوە پلەکانی گەرما دابەزیون و تا یەک هەفتەی دیکە لەزۆربەی شار و شارۆچکەکانی هەرێمی کوردستان بۆ ژێر سییەکان دادەبەزێت، دواتر پلەیەک تا دوو پلە بەرزتر دەبێتەوە.
وەڵام بدەوه