پشووی فەرمی ڕاگەیاندرا

وەزارەتی خوێندنی باڵا و توێژینەوەی زانستی بەهۆی بەڕێوەچوونی پڕۆسەی هەڵبژاردن، ماوەی 15 رۆژ پشووی بۆ بەشێك لە قوتابییانی زانكۆ و پەیمانگاكان راگەیاند.
لە راگەیەنراوێكی وەزارەتی خوێندنی باڵا كە ئەمڕۆ پێنجشەممە بڵاوكراوەتەوە، هاتووە: بە مەبەستی ڕەخساندنی دەرفەتی گونجاو بۆ بەشداری ئەو قوتابییانەى لە دەرەوەى وڵات دەخوێنن لە پرۆسەی هەڵبژاردنی گشتی ئەنجوومەنى نوێنەرانى عێراق کە وابڕیارە لە 11/11/2025 بەڕێوەبچێت، بە بڕیارى وەزیرى خوێندنى باڵا و توێژینەوەى زانستى بڕیاردرا بە؛ ڕێگەپێدان بە قوتابییانی دەرەوەی وڵات بۆ گەڕانەوەیان بۆ هەرێمی کوردستان بۆ ماوەی 15 رۆژ.
لە راگەیەنراوەكەدا هەروەها هاتووە: پشووەكە لە ڕێکەوتی 1 تاكو 15/11/2025 بەردەوام دەبێت.
وەزارەتی خوێندنی باڵا ئاماژەی بەوەش دا كە ئەو ماوە پشووە بۆ قوتابییان بە ماوەی مانەوە بۆیان هەژمار دەکرێت.