هەڵوەرین لە یەکێتی بەردەوامە ، بنەماڵەیەکی گەورە هاتنە ناو پارتی .

كەسایەتییەكی دیاری هۆزی بندیان بەخۆی و بنەماڵەكەی لەناو یەكێتی پارتیبوونی خۆیان ڕاگەیاند و بەڵێنیان دا، كە دڵسۆز بن بۆ ڕێبازی پارتی و بارزانی.
ئێوارەی ئەمڕۆ پێنجشەممە 6ـی 11ـی 2025، لقی 23ـی قەرەچووغی پارتی دیموكراتی كوردستان بڵاوی كردەوە، كە ئومێد شەهید سیامەند بندیان دێمەكاری پارتیبوونی خۆی ڕاگەیاند.
ئەوەشی خستە ڕوو، كە "ئەمرۆ بە ئامادەبوونی د . پشتیوان سادق، ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و سەنگەر کانەبی گەورە، بەرپرسی لقی23ـی قەرەچووغ و کارگێڕانی لق و ئەندامانی پەرلەمانی کوردستان، پێشوازییان لە بنەماڵەی (ئومێد شەهید سیامەند) دێمەکاری بندیان کە کوڕی شەهیدێکی قارەمانی کوردستانە كرد و خۆی و کوڕ و برا و ئامۆزاکانی پارتیبوونیان ڕاگەیاند ، ئەو خانەوادە شۆڕشگێڕە کە هەمیشە و بەشێکی گرنکی خەبات و تێکۆشانی کوردستان بوون."
لقی23ـی قەرچووغ باسی لەوەش كرد، "هەڤاڵ ئومێد کە پێشتر بەرپرسی کۆمیتەی 3ـی ڕێکخستنی کەندێناوەی یەکێتیی نیشتمانیی کوردستان و بەرپرسی فایلی حكوومەت بووە لە مەڵبەندی 20ـی قەرەچووغ."
لقی23ـی قەرەچووغ ئاماژەی بەوەش دا، كە خۆی و بنەماڵەكەی بەلێنیان دووپات كردەوە، كە "دڵسۆز بن بۆ ڕێبازی پارتی و بارزانی."
دەشڵێ: "بەشکۆوە پێشوازیمان لەو خانەوادە تێکۆشەرە کرد بۆ ماڵی گەورەی خۆیان."