سبەی ٢٥ی ئەیلوول، نۆ ساڵ بەسەر پرۆسەی مێژوویی و چارەنووسساز ریفراندۆمی سەربەخۆیی كوردستاندا تێدەپەڕێت کە لە ساڵی ٢٠١٧ بە سەرکردایەتیی سەرۆک مەسعوود بارزانی ئەنجام درا. ئەم پرۆسەیە بووە هۆی پتەوكردنی زیاتری هەستی نیشتمانی لەلای تاكی كورد و پێشاندانی خواستی ڕەوای گەلی كوردستان بۆ سەربەخۆیی.
خاڵە سەرەکییەکانی پرۆسەی ریفراندۆم:
بڕیارێکی دەستووری و نەتەوەیی: سەرۆک مەسعوود بارزانی جەختی لەوە کردەوە کە ریفراندۆم بڕیارێکی دروست، یاسایی، دەستووری و مافێکی سروشتیی گەلی كوردستان بووە.
دەربڕینی خواستی دیموکراسی: مەسرور بارزانی، سەرۆکی حکوومەتی هەرێمی کوردستان، لە ساڵی ٢٠٢٠ لە چاوپێکەوتنێکدا ڕوونی کردەوە کە ریفراندۆم ڕاگەیاندنی سەربەخۆیی نەبوو، بەڵکو پرۆسەیەکی تەواو دیموکراسی و دەربڕینی خواستی خەڵک بوو بۆ دیاریکردنی ئاراستەی خۆیان لە بەرامبەر پشتگوێخستن و خراپ مامەڵەکردنی حکوومەتی بەغدادا.
دەنگی بەڵێ: زیاتر لە ٩٣٪ی خەڵکی کوردستان لە ناوەوە و دەرەوەی هەرێم بەشداربوون و دەنگیان بە "بەڵێ" دا، کە لە مێژوودا وەک ڕۆژێکی پرشنگدار و ئەستێرەیەکی درەوشاوە دەمێنێتەوە.
ڕووداوەکانی ١٦ی ئۆکتۆبەر و نەکردنەوی پشتیوانی لەلایەن بەشێک لە وڵاتانەوە وای کرد ئەنجامی ریفراندۆمەکە وەک خۆی بمێنێتەوە، بەڵام تا ئێستەش ئەم بڕیارە بە گرنگترین و یەکگرتووترین هەنگاوی کوردی لە مێژووی هاوچەرخدا دادەنرێت.
#kurdistanpress
وەڵام بدەوه