کاتی باران بارین ڕاگەیاندرا

سالار حاجی عەلی، شارەزا لەبواری کەشناسی  ڕایگەیاند، ماوەیەکی زۆرە دۆخێکی وشکی بێ باران، ڕووی لە عێراق و هەرێمی کوردستان کردووە و مەترسی لەنێوان جوتیاران و هاوڵاتییان دروست بووە ، بەڵام هیچ مەترسی نابێت لە سەر ناوچەکان و ئەم کەشە وشکە خێری پێوەیە و هێندەی نەماوە کۆتایی بێت.
ئاماژەی بەوەشکرد، لە ڕۆژی 15ی مانگ ئەگەری هاتنی شێیەکی زۆر لە دەریای سوور بۆ سەر ناوچەکانی عێراق دواتر هەرێمی کوردستان هەیەو دەبێتە هەور و دواتر شەپۆلی بارانی لاواز بۆ مامناوەند بەبڕی جیاواز لە هەندێک ناوچەی جیا جیا ، بەتایبەت لە ڕۆژی 16بۆ 17ی مانگ چاوەکان لە سەر ئەو دوو ڕۆژەیە
ئاماژە بەوەش دەکات، لەگەڵ ئەوەشدا ڕۆشتنی دوومانگی پایز دەچینە نێو سێ مانگی پایز بۆ  گۆڕینی وەرزی سەرما وەرز، دابەزینی بارستە هەوا ساردەکان لە جەمسەرەوە، ئەمەش دەبێتە کردنەوەی دەرگای  هاتنی شەپۆلەکان ،  لە دوای 20ی مانگی 11 و بۆ تەواوی مانگی 12 و تا سەری ساڵ  لەئەم ماوەیە کە دیاریم کردووە، زۆرترین ڕێژەی باران بارین دەبارێت دۆخی وشکە ساڵی دەڕەوێتەوە