پەیامێک لە وەزارەتی پێشمەرگە

وەزارەتی پێشمەرگە و راوێژکارانی ئەڵمانیا، هاوکاری دەکەن لە پەرەپێدانی ئەفسەرانی پۆل

راگەیاندنی وەزارەتی پێشمەرگە

وەزارەتی پێشمەرگە بە هاوکاری هێزەکانی ئەڵمانیا، دەستیان کردووە بە ئامادەکردنی پرۆژەیەکی نوێ لە چوارچێوەی چاکسازی وەزارەتی پێشمەرگەدا، کە ئامانجی پەرەپێدانی ژمارەیەکی زۆر لە ئەفسەرانی پۆلە.

ئەفسەرانی پۆل وەک بڕبڕەی پشتی هەر سوپایەک دادەنرێن و کاریگەری زۆریان هەیە لە دروستکردن و سەرخستنی هەموو سوپایەکدا، ئەوان هەمیشە ئەو توێژە سەربازییە گرنگەن کە ڕۆڵی گەورەیان هەیە لە سەرکەوتنی ئەرکە سەربازییەکاندا و کە تیایدا ئەفسەرانی پۆل سەرکردە، ڕاهێنەر و پەروەردەکارن، بۆ دامەزراندنی سوپایەکی سەردەمیانە، سەربەخۆ و ڕاهێنراوی پڕۆفیشناڵ.

لەبەر ئەم هۆیەوە، وەزارەتی پێشمەرگە بە پێویستی زانیوە پەرە بە توانای ئەفسەرانی پۆل بدات. لە چوارچێوەی ئەم ڕێکەوتنەدا، پرۆژەیەکی هاوبەش لەگەڵ وڵاتی ئەڵمانیا جێبەجێ دەکرێت کە لە ئایندەدا جێگای خۆی دەگرێتەوە و هێزی پێشمەرگە سوودی زۆری لێ وەردەگرێت.