محەمەد شیاع سوودانی سەرۆک وەزیرانی عێراق، ئەمشەو سێشەم پێوەندییەکی تەلەفۆنی لەگەڵ مەزلووم عەبدی فەرماندەی هێزەکانی سووریای دیموکرات "هەسەدە" ئەنجام دا و دوا گۆڕانكارییەكانی سووریایان تاوتوێ کرد.
لە پێوەندییەکەدا باس لە دۆخی سووریا کرا لە ڕۆشنایی پێشهات و ڕووداوە تەناهییەکانی دوایی و ڕەنگدانەوەیان لەسەر ئاسایش و سەقامگیریی هەرێمی و دۆخی عێراق.
سەرۆک وەزیرانی عێراق دووپاتی لە پێویستیی چەسپاندنی گفتوگۆ کردەوە لەم قۆناغە هەستیارەدا، بەجۆرێک مافی هەموو پێکهاتەکانی سووریا دەستەبەر بکات و پارێزگاری لە یەکپارچەییی وڵات و ئاسایشەکەی بکات.
سوودانی دووپاتی کردەوە کە دەبێت ڕێگری بکرێت لەوەی تیرۆریستان بتوانن لە گرتووخانەکان هەڵبێن و یاری بە ئاسایش و سەقامگیریی سووریا و عێراق و ئاسایشی گشتیی ناوچەکە بکەن.
وەڵام بدەوه