مژدەی خۆش هات بۆ فەرمانبەران

بڕیارە بەمنزیكانە دەست بكرێت بە دابەشكردنی قۆناغێكی نوێی دابەشكردنی زەوی بەسەر فەرمانبەرانی ناو شار، لیستێكی پێنج هەزار و 200 ناوی ئامادە كراوە.

ئەمڕۆ چوارشەم 28ـی كانوونی دووەم، شوكریە عەباس بەڕێوەبەری نەخشەدانانی هەولێر،  راگەیاند، 5200 پارچە زەوی تر ئامادە كراون و دەست بەدابەشكردنیان دەكرێت.

زیاتر گوتی، ئەو زەوییانە وەك قۆناغی شەشەمی فەرمانبەرانی ناو شارە، كارەكانیان تەواو بووە و ئاراستەی سەرۆكایەتیی شارەوانیمان  كردووە تا تیروپشكیان بۆ بكرێت.

باسی لەوەش كرد، دەست بەدابەشكردنی زەوییان دەكرێ و لە شوێنی پێشوو و دوا قۆناغ دابەش كرا نزیكە، هەروەها فەرمانبەران دڵنیا دەكەمەوە زانیاری لەسەر نەخشەی جەژنیكان و گردەچاڵ ئەوەیە نەخشەكانیان تەواو بووە و خۆمان بڵاوی ناكەینەوە.

لە 27ـی ئاداری 2024، لە كۆبوونەوەی ئەنجوومەنی وەزیرانی هەرێمی كوردستان، لەسەر فەرمانی مەسروور بارزانی سەرۆك وەزیران، بڕیار درا بە دابەشكردنی زەوی بەسەر هەموو ئەو فەرمانبەرانەی سوودمەند نەبوونە لە وەرگرتنی زەوی. بڕیارەكە لە 28ـی ئایاری 2024 لە ڕۆژنامەی وەقائیعی كوردستان بڵاو كرایەوە