شەپۆلێکی چڕی بەفروباران هەرێم دەگرێتەوە

زستان کۆتایی نەهاتووە، شەپۆلێکی چڕی بەفروباران هەرێمی کوردستان دەگرێتەوە. لە ئەنجامی کاریگەری نزمەپاڵەپەستۆیەکی دەریای ناوەڕاستەوه پێشبینیم وایە کە لە کاتەکانی نیوەڕۆی سبەی پێنجشەمە 26ـی2ـی2026 شەپۆلێکی بارانبارینی ناوبەناو شار و ناوچە جیاجیاکانی هەرێمی کوردستان بگرێتەوه و بەبڕی جیاواز باران ببارێ وەسەرەتای دەستپێکی شەپۆلەکە لاوازە و لە سنوری پارێزگای دهۆک و ناوچە شاخاویەکانی پارێزگای هەولێر دەستپێدەکات و لە درەنگی ئێوارە یان شەوی پێنجشەمە فراوان دەبێتەوه بەرەوو هەولێر و سۆران و ڕاپەڕین وە لەبەرەبەیانی هەینی دەگاتە سلێمانی و کەرکوک و هەڵەبجە و گەرمیان ، ڕۆژی هەینیش بەشێوەی ناوبەناو ئەگەری باران هەیە بەتایبەت ناوچە کوێستانیەکان بەڵام کاریگەریەکەی لەسەر گەرمیان و هەڵەبجە لاواز دەبێت
لەگەڵ هاتنی ئەم شەپۆلە بارانبارینە بارستە هەوایەکی ساردیش باڵ دەکێشێ بەسەرناوچەکانمان و پلەکانی گەرما 9 بۆ 13 پلە ڕوو لەنزمبونەوە ئەکات و کەشێکی ساردی زستانە لەناوچەکانمان دروستەبێت و هەروەها ئەگەری بارینی بەفر لە تەواوی ناوچە شاخاویەکان هەیە لەگەڵ ئەوو ناوچانەی ئەکەونە دامێنی چیاکانەوە و بەرزیەکانیان لە 1000 مەتر بۆ 1200 مەتر بەسەرەوەیە
دابارین بەشێوەی پچڕ پچڕ تاوەکوو بەرەبەیانی شەمە 28ـی2 بەردەوامە و پاشان بەکشتی کۆتایی دێت
پێشبینی بڕی بارانبارین لەماوەی دوو ڕۆژدا
هەولێر 9 بۆ 13 ملم
دهۆک 10 بۆ 15 ملم
سلێمانی 5 بۆ 7 ملم
کەرکوک 6 بۆ 7 ملم
هەڵەبجە 2 بۆ 4 ملم
سۆران 20 بۆ 25 ملم
ڕاپەڕین 17 بۆ 22 ملم
گەرمیان 1 بۆ 4 ملم
والله اعلم
محەمەد کەلاری، شارەزای کەشناسی