پەیامێک لە پڕۆژەی ڕووناکی بۆ هاوڵاتیان

*ڕووناکی: نیوەی هاوڵاتیان لە پڕۆژەی ڕووناکیدا کەمتر لە 34,000 دیناریان بۆ گەڕاوەتەوە لە مانگی شەش*

وەزارەتی کارەبا خۆشحاڵە بەڕاگەیاندنی داتای پسوولەکانی مانگی شەش لە چوارچێوەی پڕۆژەی ڕووناکی.

زۆرینەی هاووڵاتیان ماوەی خوولی پسوولەکەیان نزیکەی 43 ڕۆژە.

لەم خوولەدا، کێشەی پسوولەی سفر بۆ بەشێکی هاوبەشان چارەسەرکرا، هەروەها بەشەکەی دیکەی لە خوولەکانی داهاتووی پسوولەکردندا چارەسەردەکرێن.

نیوەی ماڵان لە پڕۆژەی ڕووناکی کەمتر لەم بڕانەی خوارەوەیان بەکارهێناوە و بۆیان گەڕاوەتەوە لە مانگی شەش:

کەمتریان بۆ گەڕاوەتە لە (دینار)

کوردستان: 34,000

هەولێر: 36,000

سلێمانی: 30,000

دهۆک: 38,000

هەڵەبجە: 27,000

کەمتریان بەکارهێناوە لە (کیلۆوات کاتژمێر)

کوردستان: 462

هەولێر: 480

سلێمانی: 418

دهۆک: 516

هەڵەبجە: 368

پێشووتر لەم مانگەدا، حکومەتی هەرێمی کوردستان داشکاندنێکی ناوازەی یەکجارەیی بەڕێژەی تاوەکو 50٪ لەسەر قەرزی کۆنی پێش ڕووناکی دەستەبەرکرد وەک پاڵپشتی و ئاسانکارییەک بۆ هاوبەشان تاوەکو بتوانن بەیەکجاری قەرزی کۆنی پێش ڕووناکی بدەنەوە. ئەم داشکاندنە دەرفەتێکی ناوازەی یەکجارەیە بۆ هاوبەشان و بەهیچ شێوەیەک درێژناکرێتەوە.

تاوەکو ئەمڕۆ، زیاتر لە 90٪ی هاوڵاتیانی کوردستان کارەبای 24 کاتژمێرییان بۆ دابینکراوە لەڕێگای پڕۆژەی ڕووناکی.

بەپێی نرخە نوێیەکان، ٪80ی هاوڵاتیان، بەتایبەتی کەمدەرامەتان، بەردەوام پارەیەکی کەمتر دەدەن لە جاران بە بەراورد بەو پارەیەی پێشتر دەیاندا بۆ کارەبای مۆلیدە و کارەبای نیشتمانی. 

مانگی تشرینی دووەمی ساڵی 2024 جەنابی سەرۆک وەزیرانی حکومەتی هەرێمی کوردستان، بەڕێز مەسروور بارزانی، پڕۆژەی ڕووناکی ڕاگەیاند. دواتر لە مانگی ئایاری ئەمساڵ، ئەنجومەنی وەزیرانی حکومەتی هەرێمی کوردستان بەکۆی دەنگ لەسەر نرخە نوێیەکانی کارەبا بڕیاریدا لەچوارچێوەی پڕۆژەی ڕووناکی بۆ دابینکردنی کارەبای 24 کاتژمێری لە سەرانسەری هەرێمی کوردستان تاوەکو کۆتایی ساڵی 2026. 

حکومەتی هەرێمی کوردستان کارەبای کاتژمێری بۆ هەموو ماڵ شوێنە بازرگانییەکانی کوردستان دابین دەکات تاوەکو کۆتایی ساڵی 2026.