بەڕێوەبەری کۆمپانیای گشتیی بەڕێوەبردنی فڕۆکەخانەکان و گەشتە ئاسمانییەکان، کاپتن ئێهاب سەعد کەریم، کۆتاییهاتنی پڕۆسەی داماڵینی ناوچە قەدەغەکراوەکانی لە ئاسمانی عێراق ڕاگەیاند. لە ئێستادا سەرجەم ئەو ناوچەیانە ڕادەستی کۆمپانیاکە کراونەتەوە، ئەمەش وەک هەنگاوێکی گرنگ بۆ گەشەپێدانی کەرتەکە هەژمار دەکرێت.
لە کۆنگرەیەکی ڕۆژنامەوانیدا، کاپتن ئێهاب سەعد کەریم ڕوونی کردەوە کە ئەم پڕۆسەیە بە هاوئاهەنگی ڕاستەوخۆ لەگەڵ نووسینگەی فەرماندەی گشتیی هێزە چەکدارەکان بەئەنجام گەیشتووە. ئامانجی سەرەکی لەم هەنگاوە، ڕەخساندنی دەرپەڕەی تەواوە بۆ فڕینی شارستانی لە ئاسمانی سەرجەم ئەو ناوچەیانەی پێشتر قەدەغە ببوون.
ئەم دەستکەوتە دەرئەنجامی دە ساڵ هەوڵی بەردەوامی دامەزراوەیی و هونەریی کۆمپانیای گشتیی بەڕێوەبردنی فڕۆکەخانەکان و گەشتە ئاسمانییەکانە. چاوەڕوان دەکرێت ئەم هەنگاوە ڕۆڵێکی بەرچاو بپێوێت لە گەڕاندنەوەی سەروەریی ئاسمانی و دەریایی و بەرزکردنەوەی ئاستی گەشتە ئاسمانییەکان لەسەر ئاستی ڕۆژهەڵاتی ناوەڕاست و جیهان.
#Kurdistanpress
وەڵام بدەوه