شەپۆلێکی دیکەی بارانبارین هەرێم دەگرێتەوە

کەشوهەوای هەرێمی کوردستان؛ پێشبینیی بارانبارین و هاتنی شەپۆلێکی نوێ
بەپێی پێشبینییەکانی کەشوهەوا، کەشوهەوای ناوچەکانی هەرێمی کوردستان لە قۆناغێکی ناسەقامگیردایە و زانیاریی نوێ لەبارەی دۆخی ئاسمانی ڕۆژانی داهاتووەوە بڵاو کرایەوە:
زەکەریا کانی پاشایی، شارەزای کەشناسی بڵاویکردەوە، سبەی یەک شەممە ئاسمانی هەرێمی کوردستان لە نێوان هەور و خۆردا دەبێت و تەنها لە ناوچە سنوورییەکان ئەگەری تاوەباران هەیە.
ئاماژەی بەوەشداوە، لە درەنگای شەوی ٦ لەسەر ٧ی مانگ، شەپۆلێکی نوێ و بەهێزی بارانبارین ناوچە جیاوازەکانی هەرێمی کوردستان دەگرێتەوە و تاوەکو درەنگای شەوی ٨ی مانگ بەردەوامیی دەبێت.
ئەو کەشناسە دەڵێت، بەپێی ڕاپۆرت و نەخشە جیهانییەکان، لە هەفتەی دووەمی مانگی دەیەمدا ناوچە شاخاوییەکان ئەگەری پەڵەیان هەیە، و لە هەفتەی دووەم و سێیەمی مانگەکەشدا ئەم دۆخە دەگاتە ناوچە نزماییەکان و دەشتاییەکان، بە جۆرێک کە چاوەڕوان دەکرێت سەرجەم ناوچەکان پەڵە بگرن.