ئیسرائیل: فڕۆكه جه‌نگییه‌كانمان به سه‌ر ئاسمانى كۆشكه‌كه‌ى ئه‌حمه‌د شه‌رع ده‌فڕن
ئه‌فیخاى ئه‌دره‌عی، گوته‌بێژى عه‌ره‌بى وه‌زاره‌تى به‌رگریی ئیسرائیل، ڕایگه‌یاند: "فڕۆكه جه‌نگییه‌كانى ئیسرائیل به‌ره‌به‌یانى ئه‌مڕۆ (هه‌ینی 2ى ئایارى 2025) به سه‌ر ناوچه‌ى نزیك له كۆشكى ئه‌حمه‌د شه‌رع، سه‌رۆكى سووریا له دیمه‌شق، فڕیون".
دوای ئەوە ناتانیاهۆ و کاتس وەزیری بەرگریی ئیسرائیل، بەیاننامەیەکی هاوبەشیان سەبارەت بە هێرشەکەی سەر سووریا بڵاو کردەوە و ڕایانگەیاند: هێرش كرایه سەر ئامانجێكی نزیک کۆشکی سەرۆکایەتی لە دیمەشق، و ڕێگە نادەین هیچ هەڕەشەیەک لە دژی درووزەکان بکرێت.
لە بەیاننامەکەدا ئاماژە بەوە کراوە کە تەلئەبیب ڕێگە نادات هیچ هێزێک لە باشووری دیمەشقی پایتەخت جێگیر بکرێت و دەشڵێت: "ئەمە پەیامێکی ڕوونە بۆ ڕژێمی سووریا، ئێمە ڕێگە بە هیچ هەڕەشەیەک نادەین بۆ سەر کۆمەڵگەی درووز".
دوێنێ پێنجشەممە، وەزیری بەرگری ئیسرائیل لە دیمەشق هەڕەشەی هێرشکردنە سەر حکومەتەکەی کرد و وتی: ئەگەر هێرشەکان دژی دروزەکان (لە سوریا) بەردەوام بن، ئەوا وەڵامی توندمان دەبێتەوە.
پێشتر گوته‌بێژه‌كه‌ى وه‌زاره‌تى به‌رگریی ئیسرائیل ڕایگه‌یاند: "سەرۆکی ئەرکانی سوپای ئیسرائیل فەرمانی کردووە سوپا هێرش دەکاتە سەر ئامانجەکانی حکوومەتی سووریا، ئەگەر لە هێرشکردن نەوەستن.
ئەو گوتەبێژە لە تۆڕی کۆمەڵایەتیی فەیسبووک ڕایگەیاندووە: لە کۆتایی هەڵسەنگاندنی دۆخەکە، ئەگەربێت و هێزەکانی سەر بە سووریا لە هێرشکردنە سەر دروزەکان نەوەستن، ئەوا ئیسرائیل هێرش دەکاتە سەر ئامانجەکانی سەر بە حکوومەتی سووریا.
چەند ڕۆژێکە شەڕ و پێکدادان لە سنووری دیمەشق دروست بووە، پاش ئەوەی ئاڵۆزی کەوتە نێوان هێزەکانی ئاسایشی حکوومەت و گرووپە چەکدارەکان و دروزەکان.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه