شه‌وی رابردوو فڕۆکە جەنگییەکانی سوپای ئیسرائیل زیاتر لە 12 هێرشی ئاسمانیان کردووه‌ته سەر سووریا و تا ئێستا ژمارەی کوژرا و بریندارانی هێرشەکان نه‌زانراوه و حكوومه‌تی سووریاش بێده‌نگی هه‌ڵبژاردووه.
ئاژانسی هه‌واڵی (ئه‌نادۆڵ)ی توركیا ئه‌مرۆ شه‌ممه 3-5-2025 بڵاویكردووه‌ته‌وه: فڕۆکە جەنگییەکانی سوپای ئیسرائیل هێرشی ئاسمانییان کردووه‌ته سەر پارێزگاکانی دیمەشق، حەما، لازقییە، دەرعا و قونەیتەرە لە سووریا.
شه‌وی رابردوو سوپای ئیسرائیل به چری شارۆچکەی حرستا لە ڕۆژهەڵاتی و تەل منین لە باکووری دیمەشق و هەروەها ناوچە جیاجیاکانی پارێزگاکانی حەما، لازقییە، دەرعا و قونەیتەرەی بۆردومان کردووه.
ئه‌وه‌ش خراوه‌ته‌ڕوو دوێنێ هه‌ینیش سوپای ئیسرائیل، ناوچەیەکی لە نزیک کۆشکی سەرۆکایەتی کۆماری سووریا بۆردومان کرد.
لەم بارەیەوە سوپای ئیسرائیل ڕایگەیاندووه: دوای وه‌رگرتنی زانیاری هه‌واڵگریی ناوچەیەکی سەربازیی کە چەک و تەقەمەنی و هەروەها ژێرخانی مووشەکی لێ بووە، بۆردومان کراوە.
هه‌ر ئه‌مڕۆ نه‌ته‌وه‌یه‌كگرتووه‌كان به فه‌رمی داوای له ئیسرائیل كرد كه ده‌ستبه‌جێ هێرشه‌كانی بۆ سه‌ر خاكی سووریا بوه‌ستێنێت.
لای خۆیه‌وه، سوپای ئیسرائیل جەختی لەوە کردووەتەوە هێرشه‌كان بۆ پارێزگاری كردن بووه له سنووره هاوبه‌شه‌كانی خۆیان له‌گه‌ڵ سووریا و راشیگه‌یاندووه، "ئەگەر پێویست بکات لەسەر هێرشەکانیان بەردەوام دەبن".
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه