شه‌وی رابردوو دۆناڵد تره‌مپ سه‌رۆكی ئه‌مه‌ریكا، ده‌ستی به گه‌شته‌كه‌ی بۆ رۆژهه‌ڵاتی ناوه‌ڕاست كرد و یه‌كه‌م گه‌شتیشی بۆ سعوودیه ده‌بێت، پاشان سه‌ردانی قه‌ته‌ر و ئیماراتی یه‌كگرتووی عه‌ره‌بی ده‌كات. دەگوترێ فڕۆکەکە گەیشتووەتە سعوودیە و بەرپرسانی سعوودیە ئامادەکاری بۆ پێشوازی دەکەن.
ئامانجی سه‌ره‌كیی دۆناڵد تره‌مپ ئه‌وه‌یه پێوه‌ندییه‌كانی ئه‌مه‌ریكا له‌گه‌ڵ وڵاتانی كه‌نداو به‌هێزتر بكات، هه‌ر له‌و سه‌ردانه‌دا كۆمه‌ڵێك رێككه‌وتنی بازرگانی واژوو بكات. شاندێكی باڵا له وه‌زیر و به‌رپرسانی حكوومه‌تی ئه‌مه‌ریكا هاوڕێیه‌تی دۆناڵد تره‌مپ له‌و گه‌شته‌دا ده‌كه‌ن.
ماركۆ رۆبیۆ وه‌زیری ده‌ره‌وه‌ی ئه‌مه‌ریكا، پێت هێگزس وه‌زیری به‌رگری و سكۆت بیسێنت وه‌زیری گه‌نجینه، له‌و وه‌زیرانه‌ن كه له‌و گه‌شته‌دا هاوڕێیه‌تی تره‌مپ ده‌كه‌ن. چاوه‌ڕوان ده‌كرێت گوارد لوتنیك وه‌زیری بازرگانیش له‌گه‌ڵ شانده‌كه بێت. سی ئێن ئێن بڵاوی كرده‌وه كه ژماره‌یه‌ك له به‌رپرسانی باڵای كۆشكی سپی و له‌وانه‌ش سوزی وایلس سه‌رۆكی نووسینگه‌ی سه‌رۆكایه‌تی و گرووپێك له جێگر و یاریده‌ده‌ره‌كانی سه‌رۆك له‌و گه‌شته‌دا به‌شدارن.
به‌گوێره‌ی ''عه‌ره‌بیه'' ئه‌مڕۆ سێشه‌م كۆڕبه‌ندێكی بازرگانی له ژێر ناوی كۆڕبه‌ندی بازرگانی ئه‌مه‌ریكی-سعوودی به‌ڕێوه ده‌چێت، ژماره‌یه‌ك وه‌به‌رهێنه‌ر و خاوه‌ن كۆمپانیا و كه‌سی دیاری وه‌ك ئیلۆن ماسك خاوه‌نی كۆمپانیای تێسلا، ئه‌ندی جێسی به‌ڕێوه‌به‌ری گشتیی ئامازۆن و به‌ڕێوه‌به‌رانی بله‌ك راك، سیتی گرووپ، ئای بی ئێم، بوینگ، دێلتا ئێرلاینز، ئه‌مه‌ریكه‌ن ئێرلاینز و یۆنایتد ئێرلاینز و ژماره‌یه‌ك كۆمپانیای تر به‌شدارن.
كارولین لیفیت گوته‌بێژی كۆشكی سپی، پێش گه‌شته‌كه‌ی تره‌مپ گوتبووی، سه‌رۆك زۆر به تاسه‌وه حه‌ز ده‌كات گه‌شته مێژووییه‌كه‌ی بۆ سعوودیه دووباره بكاته‌وه.
ئه‌مه یه‌كه‌م گه‌شتی تره‌مپ بۆ ده‌ره‌وه له دوای ده‌ستپێكردنی خولی دووه‌می سه‌رۆكایه‌تییه‌كه‌یه‌تی و سعوودیه‌ی به یه‌كه‌م وێستگه‌ی گه‌شته‌كانی هه‌ڵبژاردووه، گه‌شتێك كه كاریگه‌ریی زۆری له‌سه‌ر پرسه سیاسی و ئابوورییه‌كانی رۆژهه‌ڵاتی ناوه‌ڕاست و داڕشتنه‌وه‌ی سیاسه‌تی نوێی ئه‌مه‌ریكا له ناوچه‌كه‌دا ده‌بێت.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه