باڵوێزی ئیسرائیل : ئێستا کاتی هاتنی ئەمریکایە بۆ ناو جەنگ

یەحیئیل لایتەر، باڵوێزی ئیسرائیل لە ئەمریكا، ڕایگەیاند: ئەمریكا تاكە وڵاتە كە جۆرە مووشەكێكی هەیە توانای خاپووركردن و وێرانكردنی دامەزراوەی ئەتۆمیی (فۆردۆ)ی ئێرانی هەیە.
ئەو دامەزراوەیە لەژێر قووڵایی چیادایە (بەپێی خەمڵاندنەكان بە قووڵی 80 تا 90 مەتر لە ژێر چیادایە) لە شاری قومی باكووری ئێران، كە تێیدا چەندان ئامێر و دامەزراوەی پێشكەوتوو بۆ پیتاندنی یۆرانیۆمی تێدایە بە پلەی بەرز.
لایتەر لە دیدارێكدا لەگەڵ كەناڵی (میریت) ڕایگەیاندووە: ئەمریكا تاكە وڵاتە كە بۆمب تێكشێنەری ئەو دامەزراوەیەی هەیە، ئەو بڕیارەش واشنتۆن دەبێ بیدا، بیەوێ یان نا.
دووپاتیشی كردەوە: ئەمە تەنیا بژاردەی بەردەست نییە، ڕێگەی دیكە هەیە بۆ  مامەڵەكردن لەگەڵ پرسی فۆردۆ، بەبێ ئەوەی وردەكاریی دیكە باس بكات.