هۆشداری ئەمریکا گەیشت ، ئەگەری شەڕ هەیە .

وەزیری دەرەوەی ئەمەریكا هۆشداری لە روودانی شەڕێكی ناوخۆی گەورە لە سووریا دەدات

وەزیری دەرەوەی ئەمەریكا هۆشداریی لە شكستهێنانی حكوومەتی كاتیی سووریا لە ئیدارەدانی وڵاتەكە دا و رای گەیاند كە ئەگەر شكست بهێنن، شەڕێكی ناوخۆی گشتگیر لە سووریا رووی دەدات.
ئەمڕۆ پێنجشەممە ١٣ی ١١ی ٢٠٢٥، ماركۆ رۆبیۆ، وەزیری دەرەوەی ئەمەریكا لە میانی پرێس كۆنفرانسێكدا رای گەیاند: ”با وا دابنێین پرۆژەی ئەم حكوومەتەی سووریا شكستی هێنا، یان شكستیان پێ هێنا یان سەرنەكەوتن، لەو كاتەدا سووریا بەرەو شەڕێكی ناوخۆیی گشتگیر دەچێت.“
ئەوەشی خستە ڕوو كە ویلایەتە یەكگرتووەكانی ئەمەریكا گرنگیی بەوە دەدات كە هەلی سەركەوتن لە دووبارە بونیادنانەوەی سووریا بە حكوومەتی دیمەشق بدات، چونكە ”بە پێچەوانەی ئەمە، سووریا دەبێتە رووبەرێك كە ناتواندرێت حوكمی تێدا بكرێت و دەبێتە سەكۆی رێكخراوە تیرۆریستییەكان و رەگەزە مەترسیدارەكانی دیكەی ناوچەكە.“
جەختیشی كردەوە كە ”شەڕێكی تەواو نوێ چاوەڕێمان دەكات، لە حاڵەتی شكستهێنانی حكوومەتی دیمەشق.“