عەمید محەمەد ڕەزا نەقدی، ڕاوێژکاری باڵای فەرماندەی گشتیی سوپای پاسدارانی ئێران، ڕایگەیاند کە هەر شەڕێکی نوێ لە ناوچەکە تەنیا دوای لەناوبردنی تەواوەتی بوونی ئیسرائیل و لابردنیان لەسەر گۆی زەوی کۆتایی دێت. هەروەها گوتی "ئەمڕۆ دوژمن لە لاوازترین دۆخیدایە، ئێمەش چاوەڕێی ساتەکان دەکەین بۆ ڕووبەڕووبوونەوەی کۆتایی، ئامادەین بۆ بەرگەگرتنی هەر سەختییەک لەپێناو پاراستنی سەربەخۆیی و شەرەف و کەرامەتمان."
جێی ئاماژه‌پێدانه كه لە 12ی حوزەیرانی 2025، ئیسرائیل ئۆپەراسیۆنێکی ئاسمانیی بەرفراوانی ئەنجامدا و دەیان دامەزراوەی سەربازی و ئەتۆمیی ئێرانی کردە ئامانج، لەنێویاندا ناوەندەکانی پیتاندنی ئەتۆمی و دامەزراوەکانی مووشەک، لە چوارچێوەی ئەو ئۆپه‌راسیۆنه‌ى كه بە "ئۆپەراسیۆنی پێشوەختە" ناوی برد و تێیدا ده‌یان فه‌رمانده‌ى باڵاى سه‌ربازی و ده‌یان زاناى گه‌وره‌ى ئه‌تۆمى ئێران، كرانه ئامانج.
له وه‌ڵامى ئه‌و هێرشه‌دا، لایەنی ئێرانی لە ڕۆژانی دواتردا مووشەکی بالیستی و فڕۆکەی بێفڕۆکەوانی ئاراستەی ئیسرائیل کرد.
ئەو گەڕە دوای 12 ڕۆژ بە ڕاگەیاندنی ئاگربەست کۆتایی هات، كه لە ڕاگەیاندنەکاندا بە ناوی "شەڕی 12 ڕۆژە" بڵاوکرایەوە.
وەڵام بدەوه