فەرماندەیی گشتیی هێزەکانی سوریای دیموکرات دووپاتی دەکاتەوە کە زیاتر لە شەش مانگە گەڕەکەکانی شێخ مەقسوود و ئەشرەفیە بەتەواوی لەلایەن هێزەکانی حکومەتی دیمەشقەوە گەمارۆ دراون. ئەم گەڕەکانە بە هیچ شێوەیەک مەترسی سەربازی دروست ناکەن و ناتوانرێت وەک خاڵی هەڵدانی هەر هێرشێک بۆ سەر شاری حەلەب بەکاربهێنرێن. ئەو ئیدیعایانەی کە لەلایەن توخمە خوێنڕێژەکانی ناو فراکسیۆنەکانی دیمەشقەوە بەرەوپێش دەچن سەبارەت بە هەر نیازێک یان کردەیەکی سەربازی لەلایەن هێزەکانمانەوە کە لەم دوو گەڕەکەوە سەرچاوەی گرتووە، درۆ و هەڵبەستراون، وەک بیانوویەک بۆ پاساوهێنانەوە بۆ ئەو گەمارۆدان و بۆردومانکردن و کۆمەڵکوژیانەی کە لە دژی خەڵکی مەدەنی ئەنجام دەدرێن بەکاردەهێنرێن.
ئێمە بە توندی دووپاتی دەکەینەوە کە هێزەکانی سوریای دیموکرات هیچ ئامادەیییەکی سەربازییان لە شاری حەلەب نییە. کشانەوەی ئەوان ئاشکرا بوو و لەبەردەم میدیاکاندا بەڵگەی لەسەر بوو، بەگوێرەی ڕێککەوتنێکی ڕوون و مەلەفی ئەمنی ڕادەستی هێزەکانی ئاسایشی ناوخۆ کرا. سەرهەڵدانەوەی ئەم ئارگیومێنتە درۆینانە تەنیا ئامانجی دابینکردنی داپۆشینی سیاسی و سەربازییە بۆ ئەو هێرشە دڕندانەیەی کە بەردەوامە بۆ سەر گەڕەکە سەلامەتەکانی نیشتەجێبوون.
داوا لە دەوڵەتانی گەرەنتیکار و هەروەها بەرپرسانی ناو حکومەتی سوریا دەکەین کە بانگەشەی پاراستنی یەکێتی نەتەوەیی دەکەن، بەرپرسیارێتی دەستبەجێی خۆیان لە ئەستۆ بگرن و کار بکەن بۆ ئەوەی دەستبەجێ ئەو گەمارۆ و بۆردومان و هێرشە سەربازییە ڕابگرن کە خەڵکی مەدەنی بێتاوان دەکەنە ئامانج لە گەڕەکەکانی شێخ مەقسوود و ئەشرەفییە بەبێ هیچ پاساوێک.
هۆشداری دەدەین کە بەردەوامیی ئەم دەستدرێژییە بۆ سەر خەڵکی سڤیل کاردانەوەی جددی لێدەکەوێتەوە کە تەنیا لە گەڕەکەکانی شێخ مەقسوود و ئەشرەفیە سنووردار نابێت، یان تەنیا لە شاری حەلەب، بەڵکو هەموو سووریا دەگەڕێنێتەوە بۆ بەرەکانی شەڕی کراوە. بەرپرسیارێتی تەواوی ئەم کارە دەکەوێتە ئەستۆی ئەو کەسانەی کە پێداگری لەسەر بەکارهێنانی هێز دژی خەڵکی مەدەنی دەکەن.
فەرماندەیی گشتی هێزەکانی سوریای دیموکرات بەوپەڕی هەستیارییەوە چاودێری دۆخەکە دەکات، بە هەماهەنگی لەگەڵ هەموو لایەنە پەیوەندیدارەکان بە سەلامەتی و ئاسایشی گەلەکەمان لە گەڕەکی شێخ مەقسوود و ئەشرەفیە. دووپاتی دەکاتەوە کە گەمارۆدان، هەڕەشەی هێز، بەئامانجکردنی خەڵکی مەدەنی و بەکارهێنانیان وەکو چەقۆی موزایەدە یان قەڵغانی مرۆیی، تاوانێک پێکدەهێنن کە بە هەموو پێوەرێکی یاسایی و مرۆیی قبوڵ ناکرێت و ئیدانە دەکرێن.
وەڵام بدەوه