مارکۆ روبیۆ، وەزیری دەرەوەی ئەمریکا، راگەیاند: (٤٠) هەزار سەربازی ئەمریکی لە رۆژهەڵاتی ناوەڕاست جێگیرن، لە مەودای موشەک و فڕۆکەی بێفڕۆکەوانی ئێراندان، ئاماژە بەوەشدەكات، نازانێت دوای رووخانی رژێمی عەلی خامنەیی رێبەری شۆڕشی ئیسلامی ئێران کێ حوکمڕانی ئێران دەکات.
روبیۆ لە لێدوانێکدا بە رۆژنامەنوسان وت: کەس نازانێت کێ لە ئێران دەستبەکار دەبێت ئەگەر رابەری ئێران لادرا، پێمشوانییە هیچ کەسێک بتوانێت وەڵامێکی سادە بداتەوە سەبارەت بەوەی چی لە ئێران روودەدات ئەگەر و رابەری باڵاو رژیم رووخان.
وتیشی: رژێمی ئێران ماوەیەکی زۆرە لە دەسەڵاتەو پێش هەوڵدان بۆ رووخاندنی پێویستی بە وردبینییەکی زۆر هەیە، هەروەها رەچاوکردنی بوونی ئێمە لە ناوچەکەدا، ئەگەر رژێم و رابەری باڵای ئێران بکەوێت.
روبیۆ لە درێژەی قسەکانیدا رایگەیاند: (30) بۆ (40)هەزار سەربازمان لە نۆ شوێنی رۆژهەڵاتی ناوەڕاست هەیە کە هەموویان لە مەودای فڕۆکەی بێفڕۆکەوان و موشەکی ئێرانیدان، رونیشكردەوە، هێزەکانیان لە ناوچەکە لەوپەڕی ئامادەباشیدان لە ناوچەكە ئەگەر ئێران بیانكاتە ئامانج.
وەڵام بدەوه