ئەمیر حەیات بەرپرسی پێشووی سوپای پاسدارانی ئێران و ئەندامی لیژنەی ئاسایشی نەتەوەیی ئەو وڵاتە، هەڕەشەی نوێ لە ئەمەریكا دەكات و دەڵێ، "كەشتی فڕۆكەهەڵگری ئەمەریكا نقوم دەكەین و دەبینن هێرش دەكەینە سەر كۆشكی سەرۆكایەتی ترەمپ".
ئەمڕۆ هەینی 20ی شوبات ئەمیر حەیات لە لێدوانێكی رۆژنامەوانی كە لە سكای نیوزی عەرەبی بڵاوكراوەتەوە هەڕەشە لە ئەمەریكا دەكات و دەڵێ، "هەر شەڕێك رووبدات، دەبێتە هۆی نقومبوونی كەشتی فڕۆكەهەڵگری ئەمەریكا و بە ئامانجگرتنی بنكەكانی ئەمەریكا لە ناوچەكە".
ئەو بەرپرسەی ئێران دووپاتی دەكاتەوە، هەوڵی بەدیلگرتنی سەرباز و فەرماندە سەربازییەكانی ئەمەریكا دەدەن ئەگەر شەڕ رووبدات و دەشڵێ، " لە ساتێكدا دەبینین كۆشكی سەرۆكی ئەمەریكا رووبەڕووی هێرش دەبێتەوە".
میدیای ئەمەریكا پێشبینی دەكەن لە رۆژانی داهاتوودا ئەمەریكا گورزێكی سەربازی لە ئێران بوەشێنێ، هەر ئەمڕۆیش ماڵپەڕێكی ئەمەریكی ئاشكرای كرد بەرپرسانی باڵای ئاسایشی نەتەوەیی ئەمەریكا بە دۆناڵد ترەمپیان راگەیاندووە، هێزە سەربازییەكان بۆ هێرشكردنە سەر ئێران ئامادەن.
وەڵام بدەوه