ئیسرائیل هەڕەشەی تووند لە ئێران دەکات. بنیامین نەتانیاهۆ، سەرۆکوەزیرانی ئیسرائیل، ئەمڕۆ دووشەممە هەڕەشەی لە ئێران کرد کە ئەگەر هێرش بکاتە سەر ئیسرائیل، بە هێزێکی وێنانەکراو وەڵامی دەدەنەوە، هاوکات داوای لە هاووڵاتییانی وڵاتەکەشی کرد کە "ڕیزەکانیان یەک بخەن".
نەتانیاهۆ گوتی: "ئێمە بە ڕۆژانێکی ئاڵۆزدا تێدەپەڕین و بۆ هەر سیناریۆیەک ئامادەین. من پەیامێکم بۆ ڕژێمی ئێران ڕوون کردووەتەوە و گەیاندوومە کە ئەگەر تووشی ئەو هەڵەیە بن کە ڕەنگە سەختترین هەڵە بێت لە مێژوویاندا و هێرش بکەنە سەر دەوڵەتی ئیسرائیل، ئەوا بە هێزێک وەڵامیان دەدەینەوە کە تەنانەت ناتوانن وێناشی بکەن."
نەتانیاهۆ لە درێژەی قسەکانیدا گوتی: "ئێستا کاتی مشتومڕ نییە، دەبێت ڕیزەکانی گەل یەک بخرێن و شانبەشانی یەکتر بوەستین. من متمانەم بە هێزەکەمان و بە جەنگاوەرەکانمان (ژن و پیاو) هەیە."
وەڵام بدەوه