ئیسرائیل سوپرایزمان هەیە

ناتانیاهۆ سوپرایزی زیاترمان هەیە. دوای كوشتنی عەلی خامنەیی رابەری باڵای ئێران لە هێرشە ئاسمانییە هاوبەشەكەی ئەمەریكا و ئیسرائیل بۆ سەر تاران لە 28ی شوباتی رابردوو، ئێران تووشی شۆك بوو، ئەمڕۆ هاتە راگەیاندن كە لە هێرشەكانی شەوی رابردوو بۆ سەر تاران عەلی لاریجانی ئەمینداری ئەنجوومەنی باڵای ئاسایشی نەتەوەیی ئێران و پۆلێك فەرماندەی تری سوپای پاسدارانیان كوشتووە، سەرۆك وەزیرانی ئیسرائیل دووپاتی كردەوە كە سوپرایزی زیاتریان هەیە.
ئەمڕۆ سێشەم بنیامین نەتنیاهۆ سەرۆك وەزیرانی ئیسرائیل دووپاتی لە كوشتنی عەلی لاریجانی و غولام رەزا سلێمانی فەرماندەی بەسیج كردەوە و ئاماژەی كرد كە بە فێڵ شەڕ لەگەڵ ئێران دەكەن و سوپرایزی زیاتریان هەیە، گوتی، توانیمان لاریجانی و فەرماندەی بەسیج لەناو ببەین، كار بۆ لاوازكردنی رژێمی ئێران دەكەین و بەو هیوایەی بوارێك بۆ گەلی ئێران برەخسێنین بۆ رووخاندنی رژێمەكە، چونكە رووخانی ئەو رژێمە ئاسان نییە و بەیەك هەنگاو نابێت.
ئەمڕۆ سێشەم یسرائیل كاتس وەزیری بەرگری ئیسرائیل كوشتنی لاریجانی و سلێمانی لە هێرشە ئاسمانییەكانی شەوی رابردوو بۆ سەر تاران دووپات كردەوە، لای خۆیەوە جەدعوون ساعر وەزیری دەرەوەی ئیسرائیل بەدووری زانی گەلی ئێران بێ یارمەتی دەرەكی بتوانێت رژێمی ئەو وڵاتە بڕووخێنێت، دووپاتی كردەوە كە گورزەكانی سێ هەفتەی رابردوو توانا سەربازییەكانی تارانی لاواز كردووە.