ئێران مەرجەکانی خۆی نارد

ئێران مەرجەکانی بۆ ئەمریکا نارد. ئاژانسی (تەسنیم)ی ئێرانی پەردەی لەسەر وەڵامی فەرمیی ئێران لادا بۆ پێشنیازە ١٥ خاڵییەکەی ئەمریکا، کە لە ڕێگەی ناوەندگیرەکانەوە ڕادەستی واشنتن کراوە. وەڵامەکە چەند مەرجێکی "روون" و ستراتیژیی تێدایە.
​چوار مەرجە سەرەکییەکەی ئێران بۆ ڕاوەستاندنی شەڕ:
​١. کۆتاییهێنان بە شەڕ لە هەموو بەرەکان: ئێران جەخت دەکاتەوە کە ڕێککەوتنەکە دەبێت هەموو گروپەکانی "بەرەی بەرگری" بگرێتەوە و هێرشەکان بۆ سەریان بوەستێت.
٢. سەروەریی ڕەها بەسەر گەرووی هورمز: تاران داوا دەکات جیهان ددان بنێت بە مافی یاسایی و سروشتیی ئێران بۆ سەپاندنی سەروەریی خۆی بەسەر گەرووی هورمزدا.
٣. قەرەبووی دارایی: یەکێک لە مەرجە قورسەکان، داواکردنی "قەرەبووی هەموو ئەو زیانانەیە" کە بەهۆی جەنگەوە بەر ئێران کەوتوون.
٤. ڕەزامەندیی فەرمی: ئێران وەڵامی خۆی بۆ ئەو ١٥ خاڵەی ئەمریکا ناردووە و چاوەڕێی هەڵوێستی کۆشکی سپییە.