پەیامێک لە ئێرانەوە بۆ ئەمریکا

دەقی نامەکەی مەسعود پزیشکیان سەرۆککۆماری ئێران بۆ گەلی ئەمریکا:
ئێران هەرگیز دەستپێشخەری هیچ جەنگێک نەبووە.
داوای لەگەلی ئەمریکا دەکەم لەودیو دروشمە سیاسییەکانەوە بڕوانن و پێداچوونەوە بکەن بە ڕاستییەکانی ڕابردوو و ئێستای ئێران و ئەو خواستەی کە هەیەتی بۆ داهاتوویەک.
ئێران هیچ دوژمنایەتییەکی لەگەڵ هاووڵاتیانی ئەمریکیدا نییە.
​ئێمە هەرگیز دەسپێشخەریمان نەکردووە بۆ هەڵگیرساندنی شەڕ، بەڵکو بە توندی و ئازایانە بەرەوڕووی هەر کەسێک بووینەتەوە کە دەستدرێژی کردبێتە سەرمان.
​نیشاندانی ئێمە وەک هەڕەشە، نە لەگەڵ مێژوودا دەگونجێت و نە لەگەڵ ڕاستییە بەرجەستەکانی ئێستادا.
داهاتوویەک کە نەک بە ڕووبەڕووبوونەوە، بەڵکو بە ڕاستی، شکۆ و لێکتێگەیشتنی هاوبەش پێناسە بکرێت.
لە جیهانێکدا کە گێڕانەوە دژبەیەکەکان و گرژییە جیۆپۆلیتیکییە قووڵەکان دایانڕشتووە، پەیوەندی نێوان ئێران و ویلایەتە یەکگرتووەکان وەک یەکێک لەو بابەتانە ماوەتەوە کە زۆرترین لێکتێنەگەیشتنی لەسەرە.
ئێران لە مێژووی هاوچەرخی خۆیدا، هەرگیز ڕێگەی دەستدرێژی، فراوانخوازی، کۆلۆنیالیزم (داگیرکاری) یان باڵادەستی هەڵنەبژاردووە.
 ئێران هەرگیز دەستپێشخەری هیچ جەنگێک نەبووە.
ئەمریکا گەورەترین ڕادەی هێز و بنکە و توانای سەربازیی خۆی لە دەوروبەری ئێران کۆکردووەتەوە.
​کردەوە دوژمنکارانەکانی ئەم دواییەی ئەمریکا کە لەو بنکانەوە دەستی پێکرد، نیشانی دا کە ئەو ئامادەییە سەربازییە چەندە مەترسیدارە.
​ئەوەی ئێران ئەنجامی دەدات، وەڵامێکی وردە و پشت بە مافی ڕەوای خۆی بۆ بەرگریکردن لە خۆ دەبەستێت، نەک دەسپێکردنی شەڕ یان دەستدرێژی.
​کشانەوە لە ڕێککەوتنی ئەتۆمی، پەرەپێدانی گرژییەکان و ئەنجامدانی دوو دەستدرێژی لە کاتی دانوستانەکاندا، بژاردەی وێرانکەر بوون کە حکومەتی ئەمریکا گرتوونیەتە بەر.
​"ئیسرائیل" هەوڵ دەدات لەرێگەی گەورەکردنی "هەڕەشەی ئێران"ەوە، سەرنجەکان لەسەر ڕەفتارەکانی بەرامبەر بە فەڵەستینییەکان لابدات.