ژمارەی مووشەکەکانی ئێران ئاشکراکران

بەرپرسێكی ئیسرائیلی دەڵێ، ئێران نزیكەی دوو هەزار مووشەكی درێژمەودای ماوە و حزبوڵایش نزیكەی 10 هەزار مووشەكی كورتمەودای هەیە.
ئەمڕۆ دووشەم شەشی نیسان، بەرپرسێك لە هێزی ئاسمانی ئیسرائیل لە لێدوانێكی بۆ كەناڵ 12ی ئیسرائیلی ئاشكرای دەكات و دەڵێ‌، "ئێران هێشتا لە نێوان هەزار تا دوو هەزار مووشەكی بالیستیی هەیە، مووشەكەكانی دەست حزبوڵایش بە هەشت هەزار تا 10 هەزار مووشەكی كورتمەودای هەیە".
لە ماوەی پێنج هەفتەی شەڕدا هەریەك لە ئیسرائیل و ئەمەریكا دەیان جار پێگە مووشەكەكانی ئێرانیان كردووەتە ئامانج، كەچی ئەو بەرپرسە دەڵێ‌، "هێشتا دەبێت بەبڕێكی زیاتر هەوڵ بدرێت بۆ ئەوەی ئەو توانایە سفر بكرێت، بە راشكاوی پێتان دەڵێم هێشتا نەگەیشتووەتە سفر".
لە 28ی شوباتی رابردوو، هێرشی ئیسرائیل و ئەمەریكا بۆ سەر ئێران دەستی پێ كرد و تا ئێستە بەردەوامە.