ئیسرائیل دڵخۆشە بە شکستی گفتوگۆ

رۆژنامەی یەدیعۆت ئەحرونۆتی ئیسرائیلی بڵاوی كردووەتەوە، ئیسرائیل زۆر خۆشحاڵ و ئاسوودەیە لەوەی ئەمەریكا پێداگریی لەسەر هەڵوێستەكانی خۆی كردووە و دانوستاندن شكستی هێناوە.
ئەمڕۆ یەكشەم 12ی نیسان، شاندی ئەمەریكا و ئێران بە جیا ئاشكرایان كرد، دانوستاندنی نێوانیان شكستی هێناوە و هیچ ئەنجامێكی نەبووە. ماڵپەڕی یۆرنیۆز ئاشكرای كردووە، دانوستاندنەكە 21 سەعاتی خایاندووە، بەڵام هیچ ئەنجامێكی نەبووە، بۆیە شاندەكان گەڕاونەتەوە وڵاتی خۆیان.
هەمان ماڵپەڕ ئاماژەی بۆ ئەوە كردووە، میدیای ئیسرائیل بە ئەرێنی باسی ئەو شكستە دەكەن و ستایشی ئەمەریكا دەكەن لەسەر ئەوەی پێداگریی لەسەر هەڵوێستەكەی خۆی كردووە، لە بەرانبەر ئێران نەرمیی نەنواندووە.
ئێوارەی رۆژی سێشەم هەشتی نیسان، ئاگربەستی نێوان ئەمەریكا و ئێران راگەیەنرا، بەڵام ئیسرائیل نیگەرانی لەسەر رێككەوتنەكە هەبوو، چونكە پێی وابوو لە شەڕەكەدا هێشتا ئامانجەكانی نەپێكاوە.