ئەمریکا کاتی کردنەوەی گەرووی هورمز راگەیاندرا

وەزیری گەنجینەی ویلایەتە یەكگرتووەكانی ئەمەریكا ئاشكرای كرد، ئەمڕۆ یان سبەی ڕێككەوتنی ئاگربەست و كردنەوەی گەرووی هورمز بۆ ماوەی 30 تا 60 ڕۆژ ڕادەگەیەنرێت.
سكۆت بێسنت وەزیری گەنجینەی ئەمەریكا گوتی، واشنتن لە هەموو لایەكەوە ئێرانی خنكاندووە، ئێستە ئێران ڕووبەڕووی هەڵئاوسانی گەورە و زیادبوونی نرخی كاڵاكانی خواردەمەنی لە نێوان 150 بۆ 180% بووەتەوە و ناتوانێ مووچەی هێز و كارمەندەكانی بدات.
ئاماژەی بەوەیش دا، گفتوگۆكان بەردەوامییان هەیە و ئەگەری زۆرە ئەمڕۆ یان سبەی بگەین بە ڕێككەوتنی ئاگربەست و كردنەوەی گەرووی هورمز بەشێوەیەكی ئاسایی لە ماوەی 30 تا 60 ڕۆژدا، لەگەڵ كردنەوەی گەرووەكەیش، چاوەڕوان دەكرێ نرخی نەوت نزمبوونەوەی بەرچاو بەخۆیەوە ببینێت.
پێشتر پێگەی ئەكسیۆسی ئەمەریكی لە زاری دیپلۆماتكارێكی وڵاتێكی ناوەندگیر گواستیەوە، دانوستانكارانی ئێران چاوەڕوانی ڕەزامەندیی كۆتایی ئەنجوومەنی باڵای ئاسایشی نەتەوەیی ئێران دەكەن، تا ڕەزامەندی لەسەر ڕێككەوتنی گەرووی هورمز لەگەڵ سوڵتاننشینی عومان بدەن.