ئێران جیهان شۆک دەکات

عەمید سەید مەجید ئیبنولڕەزا، وەزیری بەرگریی ئێران بە وەکالەت ڕایگەیاند، ئەگەر جەنگێکی نوێ بەسەر وڵاتەکەیدا بسەپێنرێت، بە تەکنەلۆژیایەکی زۆر بەهێزتر و پێشکەوتووتر لە جەنگەکانی ڕابردوو وەڵام دەدەنەوە.
​ئەمڕۆ یەکشەممە، 13ـی 9ـی 2026، عەمید سەید مەجید ئیبنولڕەزا هەڕەشەکانی واشنتنی بە "بێ بەها" ناوزەند کرد و ئاماژەی بەوە کرد، دووبارەکردنەوەی ئەم هەڕەشانە بەڵگەی ئیفلیجبوونی دەزگا هەواڵگرییەکانی ئەمریکایە لە خوێندنەوەی ڕاستییەکانی مەیدانەکەدا.
​وەزیری بەرگریی ئێران بە وەکالەت جەختیشی کردەوە کە وڵاتەکەی هەڕەشە نییە بۆ سەر دراوسێکانی و ئاڵۆزییەکانی ناوچەکە دەرەنجامی سیاسەتەکانی ئەمریکا و ئیسرائیلن، هەروەها ئاماژەی بەوەش کرد ئەو چەک و توانا سەربازییانەی تا ئێستا ئاشکرا کراون، تەنها بەشێکی بچووکی پیشەسازی و توانای بەرگریی ڕاستەقینەی ئێرانن.