Kurdistan Press - نەتەنیاهۆ قسەی کۆتایی کرد نەتەنیاهۆ قسەی کۆتایی کرد | Kurdistan Press

KurdistanPress...

CLOSE

نەتەنیاهۆ قسەی کۆتایی کرد


کەناڵی13ی ئیسرائیلی لە زاری بنیامین ناتانیاهۆ، سەرۆک وەزیرانی ئیسرائیلەوە بڵاویكردووەتەوە، لە میانەی گفتوگۆ ئەمنییەکانی رۆژانی رابردوودا وتوویەتی، هیچ چارەیەكی تر نییە جگە لە هەنگاونان دژی ئێران، ئەوەش لە کاتێکدایە پەیوەندییە سەربازی و هەواڵگرییەکانی نێوان ئیسرائیل و ئەمریکا بەردەوامن.
کەناڵەکە ئاماژەی بەوەش کردووە، ناتانیاهۆ ئەمڕۆ کۆبوونەوەیەکی ئەمنیی ئەنجام داوە، هاوکات لەگەڵ بڵاوبوونەوەی راپۆرتەکان سەبارەت بە ئەگەری هەڵكشانی دۆخەکە لەگەڵ تاران.
هاوكات لەزاری ئەفسەرێکی باڵای ئسیرائیلیشەوە ئاشكرای كردووە، پلانی هاوبەش و پەسەندکراو لە نێوان سوپای ئیسرائیل و فەرماندەیی ناوەندیی ئەمریکا (سێنتکۆم) هەیە، جێبەجێکردنیشی چاوەڕێی بڕیاری دۆناڵد ترەمپ، سەرۆکی ئەمریکا و هەڵبژاردنی کاتێکی گونجاو دەکات.
لەلایەكی ترەوە، بەرپرسێکی ئەمنیی ئیسرائیل رایگەیاندووە، ئەنجامدانی گورزێکی ئەمریکی رەنگە ببێتە هۆی هەڵوەشاندنەوەی ژێرخانی ئێران بە قەبارە و چڕییەک کە رژێم پێشتر هاوشێوەی نەبینیوە.
جەختیشكردووە لەوەى، سەرۆک ترەمپ چاوەڕێی تەواوبوونی کۆکردنەوەی هێزی سەربازیی ئەمریکا دەکات لە ناوچەکەدا پێش ئەوەی بڕیار لەسەر ئەنجامدانی هێرش یان ئەنجامنەدانی بدات.
وتوشیەتی، ئەمریکییەکان وەک زلهێزێک مامەڵە دەکەن؛ سەرەتا کار لەسەر بەهێزکردنی توانا سەربازییەکانیان دەکەن و زۆرترین کەرەستە و هێزی جەنگی لە ناوچەکەدا کۆدەکەنەوە، هاوکات لەگەڵ ئامادەکردنی هێزێکی ئاسمانیی زیاتر لە ناوخۆی ویلایەتە یەکگرتووەکانی ئەمریکا، کە فڕۆکە بۆمبهاوێژەکانی جۆری "B-52" و "B-2" لەخۆدەگرێت، و سەرۆکیش بڕیار لەسەر هەنگاوی داهاتوو نادات تاوەکو سەرجەم ئەم توانایانە لە شوێنەکانی خۆیاندا ئامادە نەبن.

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه

NEW APP AVAILABLE
ئاگادارکردنەوەکان

هەرگیز نوێکارییە گرنگەکان لەدەست مەدە

دۆخی تاریک

ئاسانە بۆ چاو، بە شەو یان ڕۆژ

KurdistanPress Mobile App
هەواڵى بەپەلە
KurdistanPress
هاوبەشی خێرا