لەوەتەی ئەم بەشەی کوردستان بە عێراقەوە لکاوە، کورد رووی ئاسوودەیی و بەختەوەری و سەقامگیری بەخۆوە نەبینیوە.
قوت کردنەوەی کێشەو گرفت و سیاسەتی زۆرەملێ و زاڵبوونی عەقڵیەتی خۆبەگەورە زانین، کرۆکی سەرلەبەری ئەو کێشانەن بە درێژایی سەت ساڵی رابردوو بەرۆکی عێراق و کوردستانی بەرنەداوە و بووە بە کارەساتێکی بە تەواو مانای وێرانکەرەوە.
کورد هەرگیز هەوڵی نەداوە لە رێگەی پەنابردنە بەر چەک و شۆڕشی چەکداریەوە داخوازیەکانی خۆی بخاتەروو.
کورد هەمیشە لە پێناوی دۆزینەوەی چارەسەرەوە رێگەی دانوستان و گفتوگۆی گرتۆتەبەر و پەنای بۆ کەرەستەی دیپلۆماسی و لێکتێگەیشتن بردووەو لەم رووەشەوە تابڵێی پشوودرێژو خۆراگر بووە.
لەبەرامبەر ئەم پشوودرێژی و نیەت پاکیەی کوردیش دەسەڵاتدارە کۆماری و پاشایەتیەکانی عێراق لە رابردوو، گفتوگۆیان وەک کارتێکی کڕینی کات و درێژەپێدانی یاری سیاسی و خۆدزینەوە بۆ تەنگ پێ هەڵچنین و هیلاک کردنی کوردەوە بەکار هێناوەو هەوڵی جدی چارەسەرکردنی کێشەکانیان نەداوە.
ئەم دۆخەی ئێستاش درێژە پێدەری هەمان ستراتیژی لایەنە عێراقیەکانە بەڵام لەسەردەم و زەمەنێکی تەواو نوێ و جیاوازدا.
وەڵام بدەوه