دەستەواژەی شایستەداراییەکان پێناسێکی کرچ و کاڵە بۆ بچووک کردنەوەی تایبەتمەندییەکانی هەرێمی کوردستان وەک کیانێکی فیدڕاڵی و دەستووریی و یاسایی. زیاد لەمەش بە هەند هەڵنەگرتنی تایبەتمەندیە نەتەوەییەکانی گەلی کوردە لە چوارچێوەی قەوارەی دەوڵەتی لەرزۆکی فیدڕاڵی عێراقدا.
نکۆڵی لەمە ناکرێ دانیشتوانی هەرێم بۆ ژیان و گوزەران پێویستیان بە بودجەو موچەو دابین کردنی مافە داراییەکانیانەوە هەیە لەلایەن هەر لایەنێکی سیاسی، حوکمی عێراقی فیدڕاڵەوە بکات. ئەم مافەبریتیە لەو شایستە داراییانەی هەرێمی کوردستان وەک قەوارەیەکی دەستووری و فیدڕاڵی مافی خۆیەتی بۆی دابین بکرێت و نەکرێ بە منەت و خێرو سەدەقەی دەسەڵاتدارانی ناوەندەوە.
بە سیاسی کردنی ئەم پرسە یەکسانە بە گەڕانەوە بۆ سەردەمانی کۆن و هێشتنەوەی کوردو پرسگرێکە نەتەوەییەکەی لە هەڵقەیەکی داخراوو ماندووکەرەوە.
پرسێک، کەوا نزیکەی سەدەیەکە بە ئەنقەست و بڕۆوبیانووی جیاوازەوە بە چارەسەرنەکراوی هێشتراوەتەوەو خراوەتە دەست قەدەرەوە.
سیاسیەکانی بەغدا دەبێ لەوە تێبگەن کورد هاوبەشێکی سەرەکی و ڕاستەقینەی پێکهاتەی عێراقەو هەر هەوڵێک بە ئاڕاستەی پەرواێز خستنی ڕەت دەکرێتەوەو قەبوڵ کراو نیە.
وەڵام بدەوه