ئەو دەستی دەستی پێ کردنەی ناوەند بە هەرێم و قوتی دانیشتوانەکەیەوە، نمایشێکی ناشرینی ئەو سیاسیانەی بەغدایە، هیچ بەهایەک پێکەوەیان نابەستێتەوە. بەڵام لە دەستی دەستی پێکردنی هەرێمی کوردستان و نەناردنی بودجەو شایستە داراییەکان و فشار هێنان بۆ حکومەتی هەرێم، یەکهەڵوێست و یەکدەنگن.
عەقڵیەتی ناوەند بە درێژایی مێژووی ئەم عێراقە هەڵگری مەیلی خۆبەزل زانین و کوێخایەتی و بە بچووک و هیچ سەیرکردنی پێکهاتە جیاجیاکانی ئەم وڵاتەیە.
ئەم عەقڵیەتە بە درێژایی سەدەی رابردووەوە هەوڵی نکۆڵی لێکردن و توانەوەی سەرجەمی پێکهاتەکانی عێراقی داوە لە ناو یەک چوارچێوەی بەرتەسکی نیشتیمانی و بوتەی نەتەوەییەوە و ئێستاشی لەگەڵدا بێ بەردەوامە.
هەر ئەم عەقڵیەتە سەرچاوەی تێڕامانی سیاسیەکانی عێراق بووەو جگەلە سەرگەردانی و دواکەوتوویی و پاشاگەردانی و وێرانکاری، هیچ خێرو دەسکەوتێکی جێگەی دڵخۆش کردنی بۆ گەلانی عێراق نەبووە.
نەناردنی شایستەدارایی و بودجەی هەرێمی کوردستان نمایشی هەمان عەقڵیەتە ماوە بەسەرچووەکەی سەدەی رابردووە، بەڵام ئەمجارە بە دەمامک و بیانوو و بکەری جیاوازەوە.
پابەندبوون بە یاساو دەستور و رێ گرتن لە پەرتەوازەیی و هەوڵ نەدان بۆ چاندنی تۆوی ڕق و قین لە نێو گەلانی عێراقدا، ئەرک و بەرپرسیارەتی سیاسیەکانی بەغداو زامنی مانەوەی یەکپارچەیی عێراق و دەستەبەرکردنی ئارامی و خۆشگوزەرانیە.
وەڵام بدەوه