نە ئەورووپا و نە ئەمریکا هیچ بەرژەوەندیان لەگەڵ هەرێمێکی بێ هێزولاواز و ئاڵۆزکاو دانیە. لەمەش زیاتر ئەمریکا و ئۆرووپا هیچ رێکەوتنێکی دوو قۆڵیان نیە بۆ بێ هێز کردنی هەرێمی کوردستان. بەڵکو ئاڕاستەی سیاسەتی کۆمەڵگەی نێودەوڵەتی بەرەو ئێرانێکی لاواز و هەرێمێکی بەهێزە لە چوارچێوەی سیستەمی فیدڕاڵی و عێراقێکی یەکگرتوو و رۆژهەڵاتێکی سەقامگیردا.
فشارەکانی ئەمریکاو ئەورووپاش بۆ یەکخستنەوەی هێزەکانی پێشمەرگە هەر بەم ئاڕاستەیەیە:
هەرێمێکی بەهێز لە چوارچێوەی عێراقێکی فیدڕاڵ سەنگی مەحەک و زامنی ئاشتی و ئاسایش و تەناهیە لە رۆژهەڵاتی ناویندا.
بۆیە ئەو دەنگە نەشازو نامۆو بەکرێ گیراوانەی تەپڵی هەڵوەشانەوە یا کرچ و کاڵ بوونەوەی هەرێم لێ ئەدەن، گەرەکە بە جوانی ئاڕاستەی بکەرە سیاسیەکان و رۆحی سیاسەت و کایەی سیاسی لە رۆژهەڵاتی ناوەڕاست بخوێننەوە و لە چەواشەکاری و ئاڵۆزکردنی بارودۆخەکە دەست هەڵگرن و بەخۆیاندا بچنەوە.
وەڵام بدەوه