هاوردەو هناردە دوو کۆڵەگەی سەرەکی ئابوری بەهێزو فرە چەشنن. وڵاتان بۆ پڕکردنەوەی بۆشایی پێداویستیەکانی ناوەخۆ رۆژانە شتومەک لە وڵاتانی ترەوە هاوردە دەکەن و بەم شێوەیە بڕێکی زۆر لە داهات و دراوی نیشتیمانی دەگوازنەوە دەرەوە.
لەهەمان کاتیشدا بڕێکی زۆر لە بەرهەمە ناوەخۆییەکان هەناردەی دەرەوە دەکەن و بڕێکی بەرچاو لە دراوی بیانی لە بری هەناردەکراو، وەردەگرن.
ئەم هاوردەو هەناردە کردنە لەو وڵاتانەی خاوەنی ئابوریەکی بەهێزن، تا ئاستێکی باش هاوسەنگی لە نێوان شتومەکی هەناردەکراو و هاوردەکراو رادەگرێ و جۆرێک لە سەقامگیری ئابوری بۆ بازاڕی ناوەخۆ دێنێتە کایەوە.
تایبەت بەهەرێمی کوردستان پێویستە بەرلە هەناردەکردنی شتومەک و بەرهەمە کشتوکاڵی و ئاژەڵداریەکان، رەچاوی دۆخی بازاڕ و ئاستی ئابوری نیشتیمانی و پێداویستیەکانی رۆژانەی هاوڵاتیان بکرێت و ئەم پێداویستیانە پڕ بکرێنەوەو دواتر پلان بۆ هەناردەکردنی ئەم بەرهەمانە دابنرێت.
وەڵام بدەوه