گەڕانەوەی شاندە بیانیەکان و لەسەرووشیانەوە سەرۆک وەزیرانی عێراق بۆ هەولێرو پرس و ڕاگۆڕینەوەو تاوتوێ کردنی بارودۆخی عێراق و رۆژهەڵاتی ناوەراست لەتەک دەسەڵاتدار و سیاسیەکانی هەرێم بە گشتی و هەرەمی دەسەڵات بە تایبەتی، هێمای گرینگی و بایەخپێدانی هەرێمی کوردستانە لە هاوکێشە سیاسیەکانی رۆژهەڵاتی ناوەڕاستدا.
دۆخی هەستیاری ئێستای رۆژهەڵاتی ناوەڕاست بەهۆی ئاڵۆزیەکانی جەنگی غەزەوە دیدارو چاوپێکەوتنی سیاسیە دەست رۆیشتووەکانی رۆژهەڵاتی ناوەڕاستی گەرەکە.
هەڵبەت ئەم هەموو جموجۆڵە دیپلۆماسی و سیاسیانە بۆ هەولێر سەرباری بایەخپێدانی کۆمەڵگای نێودەوڵەتی بە هەرێمی کوردستانەوە، جێگەی هیواو ئومێدەو ئەوەی لێ دەخوێندرێتەوە کۆمەڵگای نێودەوڵەتی دەست بەرداری هەرێمی کوردستان نابێت و لە حیساباتی هاوکێشە سیاسیەکانی رۆژهەڵاتی ناوەڕاستدا شوێن بایەخ پێدان و نرخاندن و چەقی دیپلۆماسیەت و قووڵایی ستراتیژی و بەرژەوەندیە دوولایەنیەکانە.
وەڵام بدەوه