بەشێکی زۆری کێشە کۆمەڵایەتیەکان دەرهاوێشتەی پەروەردەی سەقەتی خێزان و قوتابخانەکانن.
لەهەر کۆمەڵگایەک پەروەردەی کۆمەڵایەتی و ئایینی و خێزانی و چۆنیەتی رەفتارو هەڵسوکەوت کردن و مامەڵەی رۆژانە لەگەڵ خێزان و تاکەکانی کۆمەڵگا، بکەوێتە دۆخی پاشاگەردانیەوە، گرفتەکۆمەڵایەتیەکان لە هەڵکشان و ئەخلاق و ئادابی گشتیش رووەو داکشان هەنگاو دەنێن.
بەلەبەرچاو گرتنی شەپۆلێکی نوێی رووداوە دڵتەزێنەکانی کوشتن و بڕینی رۆژانە لە کۆمەڵگای کوردی، لە جێی خۆیدا پسپۆرە پەروەردەییەکان، وەزارەتی پەروەردەو دامودەزگا پەیوەندیدارەکانی ئەم بوارە مشورێکی جدی لەم دۆخە بخۆن.
دامودەزگاپەیوەندیدارەکان دەتوانن لانی کەم بە دانانی پرۆگرام و سمینارو ورک شۆپ و بەرنامەگەلی پەروەردەیی تاک و خێزان لە رێگەی کەناڵەکانی راگەیاندن و تۆڕەکۆمەڵایەتیەکانەوە جۆرێک لە هۆشیاری پەروەردەیی و خێزانی بەرهەڤ بکەن و بەربەستێک بخەنە بەردەم تەشەنەسەندنی رووداوەکانی کوشتن و تەقینەوەی ئەو ناکۆکیە کۆمەڵایەتیانەی خەریکە جڤاکی کوردی لە هەموو بەهاو جوانیەکان دەخات.
وەڵام بدەوه