واخەریکە رۆڵی دادگای فیدڕاڵی لە پرۆسەی سیاسی عێراق قورساییەکەی لە دامودەزگا یاساییەکانی تر زیاتر دەردەکەوێ.
مەبەستی دادگای فیدڕاڵی لە دەرکردنی بریارو راسپاردەکانی، پیشان دانی هێزی یاساو سەروەر کردنی قانون و دەستوورە. دەستوورێک کەمتر لایەنێکی عێراقی تەواو پێوەی پابەندە و رۆژبەرۆژ زیاتر دەخرێتە پەراوێزەوەو کاری پێناکرێت، بەتایبەتی لە لایەن هێزە میلیشیاکانی سەربە تەوژم و ئاڕاستە سیاسیە جیاوازەکانەوە.
دۆخی سیاسی و ئەمنی عێراق بەهۆی پێکهاتە تایبەتیەکەی و تێپەڕاندنی چەندین هەورازونشێوو رووداوی سیاسی نەخوازراو، دۆخێکی ناسەقامگیرو پڕلە هەڵکشان و داکشانە.
گەرەکە دادگای فیدڕاڵی لە دەرکردنی بریارو راسپاردەو یەکلایی کردنەوەی پرسە سیاسیەکاندا وردبینترو هۆشیارانەتر رەفتار بکات و لە مامەڵەکردنی لەگەڵ پرسەکاندا تایبەتمەندێتی کۆمەڵگای عێراقی لەبەرچاو بگرێ و وریا بێت بریارەکانی ئاڵۆزی تائیفی و ئەمنی لێ نەکەوێتەوە.
وەڵام بدەوه