خەرج کردنی پارەی خستنەگەڕی پرۆژکانی خزمەتگوزاری و ئاوەدان کردنەوە لە لایەن حکومەتەوە لە پاڵ دابین کردنی کۆمەڵێک پارەی پێویست بۆ ئەو پرۆژانەی دەمێکە بە هۆی نەبوونی بودجەی پێویستەوەستێنرابوون، ئەوپەڕی بەرپرسیارەتی حکومەت بەرامبەر هاوڵاتیان و خەمخۆری بەرپرسانی کابینەی نۆ پیشان دەدات.
لەوەتەی ئەم کابینەیە دەست بەکاربووە، دەرزەنێک ئاستەنگ و ئاریشەی جۆراوجۆر بەرۆکی حکومەتی گرتووە. هەر لە بڕینی بەش و کەم کردنەوەی بودجەی هەرێم لە لایەن بەغداوە بگرە تا دەگاتە لافاوو کارەساتە سرووشتیەکان و تەنگ پێ هەڵچنینی پ.ک.ک لەو ناوچانەی دەستی بەسەرداگرتوون.
بودجەی بڕاو لە لایەن بەغدا بە گشتی و نەگەڕاندنەوەی داهاتی پارێزگای سلێمانی و خاڵە سنووریەکانی زۆنی سەوز لەم ماوەیەی کابینەی نۆ دەست بەکار بووە، گەورەترین فشاری بۆ حکومەت و توانا داراییەکانی دروست کردووەو حکومەتیشی رووبەرووی دەیان ئاستەنگ و ئاڵنگاری دارایی و کارگێری کردۆتەوە.
لێ حکومەت توانیویەتی ئەو پەڕی تواناکانی لە ئیدارەدانی قەیرانە یەک لە دوا یەکەکان و تێپەڕاندنی ئاستەنگەکان بخاتەگەڕ و هاوکێشەکە رابگرێ.
بێگومان سەرکەوتنی هەر ئیدارەو حکومەتێک لە بەڕێوەبردبی قەیران و دۆخە نەخوازراوەکان و ئیدارەداندا، بەندە بە بارستای ئەو بودجەو ئیمکانیاتە داراییانەی بەردەستن.
وەڵام بدەوه