ماوەکانی رابردوو هەندێ سەرچاوەی مێدیای چەواشەکاری کوردی زمانی هەرێمی کوردستانی بەکرێگیراوی وڵاتانی ئیقلیمی دوور لە هەموو بەرپرسیارەتی و ئەرک و رەوشت و ئیتیکيتێکی رۆژنامەوانیەوە، لە فوویان دەکردە بۆق و کەرەنا بەوەی هەولێر پڕ بووە بە جاسوسی ئیسرائیلی.!
ئەم مێدیا کونە درۆیانە بێ ئەوەی شەرم دایانگرێ دەهۆڵی بوونی ئیسرائیلیەکانیان لە هەولێر دەکوتا ولە ژێرەوە خرابوونە خزمەت جێ بەجێ کردنی ئەجیندای وڵاتێکی هەرێمیەوە.
وەک دەرەنجامی ئەم هەڵاوبەزمو هاشوهوشە مێدیایەش، بینیمان چۆن شاری هەولێر لە لایەن ئێرانەوە موشەک باران کراو زەرەروزیانێکی زۆریش بەر چەندین موڵکوماڵی خەڵکی کەوت و ترسودڵەوراوکێ و تۆقاندنێکی زۆریشی لێکەوتەوە.
بەدەر لە گشت ئیعتباراتێک، کردەی بەشێکی زۆری ئەو دەزگاو ناوەندە مێدیانەی دەربەست و چاوبەست خراونەتە خزمەت جێبەجێ کردنی ئەجینداکانی ئێران و وڵاتانی ئیقلیمیەوە، رێک دەچێتە خانەی خیانەت و پشت کردنە هەرێمی کوردستان و دژایەتی هاوڵاتیان و پیرۆزیە نەتەوەیی و نیشتیمانیاکانەوە و بەهیچ شێوەیەک پاساوی بۆ ناهێنرێتەوە.
وەڵام بدەوه