دۆخی ناوەخۆی یەکێتی
ئەو دۆخەی بە هۆی ململانێی باڵ و شەڕە دەنووک و چرنۆکی دەستەگەریەوە تووشی یەکێتی هاتووە، هیچ مانایەکی بۆ ( یەکێتی) بوونی ئەم هەموو باڵ و ئاڕاستەو کوێخا و دەستەگەریە ناوەکیەی ئەم حزبە نەهێشتۆتەوە.
بە درێژایی مێژووی بزاڤی رزگاریخوازی کورد هەر حزب و گرووپێکی سیاسی نەیتوانیبێ خاوەنی یەکەیەکی بەهێزی سەنتەرالیزم و سەرۆکێکی کارامەو لێهاتوو و خاوەن کاریزماو ئەزمونی سیاسی بێت، درەنگ یا زوو ڕیزەکانی لەبەر یەک هەڵوەشاونەتەوەو داڕماوە.
دوورکەوتنەوەی هەر حزبێکی کوردی لە درووشمە نیشتیمانی و نەتەوەییەکان و خاوێن رانەگرتنی پەرێزو لەبیرکردنی بنکە جەماوەریەکەی و پەت پەتێنی سیاسی و جرت وفرتی ئەملاو ئەولا، دواجار وەک پەتایەکی کوشندە حزبی بەرەو نەمان و لەناوچوون و لەتوپەت بوون بردووە.
ئەو حاڵەتەی یەکێتی نیشتیمانی، یەکەم جارو دوا وێنەی ئەم واقعەی حزبێکی پڕ لە دەستەگەری و ململانێی ئاڕاستە و شەڕە دەنووک و بەرژەوەندگەرای فرە سەرۆک و سەرکردەو کوێخا نیە و دواجار لێکترازان و بچووک بوونەوەی لێدەکەوێتەوەو دەبێتە پەرەگرافێک لە مێژووی رزگاریخوازی کورد لە باشوری کوردستاندا.
وەڵام بدەوه