نرخی دۆلارو گرانی بازاڕ
ڕاگرتنی هەڵکشانی نرخی دۆلارو هەڵاوسان کارێکی نەکردەیی و ئەستەم نیە.
وەک تێبینی کراوە دابەزینی نرخی دۆلار و بەرزبوونەوەی نرخی دینار هیچ گۆڕانکاریەکی بەرچاوی گەورەی بەسەر نرخی شتومەک و پێداویستیەکانی رۆژانەی هاوڵاتیاندا نەهێناوە.
رێوشوێن و هەنگاوەکانی بانکی ناوەندی عێراق بە هاوکاری ئەمریکا بۆ رێگە گرتن لە هەڵکشانی نرخی دۆلار لە ماوەکانی رابردوو تا ئاستێکی باش گۆڕانکاری بەسەر نرخی دینارو دۆلاردا هێناو رێگەی گرت لەوەی نرخی دۆلار ئاستێکی پێوانەیی تۆمار بکات.
لێ هەروەک تێنی کراوە ئەم هەنگاوەی بانکی ناوەندی سەرباری دابەزاندنی نرخی دۆلار، نەبۆتە هۆی دابەزینی نرخی شتومەک و هێنانە ئارای جۆرێک لە سەقامگیری بازاڕ و نرخی کاڵاکانەوە.
لە یەکێک لە هۆکارەکانی تێکچوونی ئەم هاوسەنگیە نەبوونی چاودێری چڕی دامودەزگا حوکومیە پەیوەندیدارەکانە بەسەر بازاڕدا.
ئەمە وایکردووە کۆمەڵە بازرگانێکی چاوچنۆک و هەلپەرەست دوور لە هەر بەرپرسیارەتیەکی ئەخلاقی و کۆمەڵایەتی ئەم دۆخە ناسەقامگیرەی بازاڕ بۆ بەرژەوەندی تەسکی خۆیان و دەست خستنی چەند دەست مایەیەکی کەم بقۆزنەوەو یاری بە ژیان و گوزەرانی هاوڵاتیان و دۆخی ناسەقامگیری ئاڵۆگۆڕی دراوو بازاڕەوە بکەن.
وەڵام بدەوه