‎با هەموومان بە تەنگ نیشتیمانەوە بین

زەمەنێکە فەزای گشتی دونیای ئێمە لە جەوھەردا بارگاوی کراوە بە کێشەو ململانێ و دابەشکاری و بەریەک کەوتن و یەکتر سرینەوە و ترازانەوە...

‎ئەم دونیایە ھەڵگری کۆمەڵێک تایبەتمەندی جۆریەو  پڕیەتی لە تراویلکەی دیارو نادیارو واقعێکی پر لە گوتاری جۆراوجۆرو ئەبستراکتی نەریتگەرا و خاڵی لە ئایدۆلۆژیا و ئایدیاودژ بەیەک و بەرژەوەند گەراوە..

‎بەرژەوەندی گەل وادەخوازی ڕیزەکانمان یەک خەین، هەنگاوەکانمان یەک کەین و لەو بازاڕو گێژاوە سیاسیەی گۆڕەپانی ململانێکانی جەمسەرەکانی هەژمون و هێز لە عێراقدا، ناکۆکیەکان وەلانێین و بەدوا چارەسەردا بگەڕێین نەک قووڵ کردنەوەی  زیاتری ناکۆکیەکان. 

‎ بەرژەوەندی گشتی وادەخوازێ لە گوتاری تووند دوورکەوینەوەو بە تەنگ ئارامی و پاراستنی ئاسایشی هەرێمەوە بین نەک پەرت کردنی ڕیزەکانمان و دروست کردنی فەوزای سیاسی. 

‎هەرێمی کوردستان قۆناغی زۆر سەخت و ناهەموار و هەستیاری بڕیوەو گەل باجێکی زۆری لە پێناو ئەم دەسکەوتانەدا بەخشیوە.  

‎ئەگەر دەست بەم دەسکەوتانەوە نەگرین و نیشتیمان و بەرژەوەندی نەتەوە نەخەینە سەرووی گشت حیسابات و بەرژەوەندیەکەوە، مەترسی زیاتر و ئاڵنگاری زیاتر روومان تێدەکا و زیاتر رۆدەچینە ناو کێشەو ئاڵۆزیەکانمانەوە.