بەزم و رەزم و یاری چاوشارکێنەی دینارو دۆلار وەک فلیمی مشک و پشیلەی ( تۆم) و ( جێری) لێهاتووە.
ئەو هەڵبەرزو دابەزو هەڵکشان و داشکانەی بە نرخی دینارو دۆلارەوە دەکرێ، پێشتر و لە ماوەی نزیکەی بیست ساڵی رابردوودا لە سەرتاسەری عێراقدا وێنەی نەبووە.
وا دێتە بەرچاو بەغداو دامەزراوە داراییەکانی ناوەند دەستەوەستان بن لە ئاست دۆخی سەوداو ئەو کڕین و فرۆشتنەی بە دزیەوە بە دینارو دۆلارەوە دەکرێ.
بێگومان زیانمەندی سەرەکی لەم داشکان و هەڵکشانەدا هاوڵاتیانی ئاسایی و کەم دەرامەدن کەوا بۆ دابین کردنی سەرەتاییترین و کەمترین پێداویستیەکانی رۆژانە ناچارن پەنابەرنە بە قەرز وقۆڵە و گێژاوی ژیانێکی کۆلەمەرگی و بمرە مەژیەوە.
وەڵام بدەوه